ବାଲେଶ୍ୱର(ଏଟିଆର ବ୍ୟୁରୋ):ଆଜି ସକାଳେ ବାଲେଶ୍ୱର ଜିଲ୍ଲାର ସୋରଥାନା ଅନ୍ତର୍ଗତ ଅଚ୍ୟୁତିପୁର ଗ୍ରାମର କୈଳାଶ ଚନ୍ଦ୍ର ସାହୁ ନିଜ ଝିଅଙ୍କୁ କଲେଜରେ ଆଡମିଶନ କରିବାକୁ ବାଇକରେ ଯାଉଥିବା ବେଳେ ଜାତୀୟ ରାଜପଥ ବେଗୁନିଆଠାରେ ଏକ ଅଜଣା ଗାଡି ଆସି ତାଙ୍କୁ ଧକ୍କା ଦେଇଥିଲା । ଉଭୟ ଏହି ଗାଡି ଧକ୍କାରେ ଆହତ ହୋଇ ରାସ୍ତା କଡରେ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିଲେ । ଏହି ସମୟରେ ସେହି ବାଟ ଦେଇ ବାଲେଶ୍ୱର ଏସିପି ଜୁଗଳ କିଶୋର ଔପଦାର ଏକ ଜନ ଶୁଣାଣି ଶିବିରକୁ ଯାଉଥିବା ବେଳେ କୈଳାଶ ଚନ୍ଦ୍ର ଓ ତାଙ୍କ ଝିଅକୁ ରକ୍ତାକ୍ତ ଅବସ୍ଥାରେ ପଡିଥିବାର ଦେଖିଥିଲେ ।
ଘଟଣା ସ୍ଥଳରେ ସଙ୍ଗେ ସଙ୍ଗେ ଗାଡି ରଖିବା ସହ ଗୁରୁତ୍ୱର ଆହତ ହୋଇଥିବାର ବାପ ଝିଅଙ୍କୁ ଏସିପି ତାଙ୍କୁ ନିଜ ଗାଡିରେ ନେଇ ଡାକ୍ତରଖାନାରେ ଭର୍ତ୍ତି କରିଥିଲେ । ଡାକ୍ତରଖାନାରେ ଚିକିତ୍ସା ହେବା ପରେ ଉଭୟ ସୁସ୍ଥତା ଅନୁଭବ କରିଥିଲେ । ସବୁ ବେଳେ ସାଧାରଣ ଲୋକଟିଏ ପୋଲିସକୁ ଭୟ କରିଥାଏ । ଏସିପିଙ୍କ ଏହି କାର୍ଯ୍ୟକୁ ସାଧାରଣରେ ପ୍ରଶଂସା କରାଯିବା ସହ ପୋଲିସ ପ୍ରତିଥିବା ଭୟ ଦୂର ହେବ ବୋଲି ଆଶା କରାଯାଉଛି ।
