ଭୁବନେଶ୍ୱର ( ଏଟିଆର ବ୍ୟୁରୋ) : ଆଜି ଠାରୁ ବହୁ ପ୍ରତିକ୍ଷିତି ସେବା ଏକ୍ସପ୍ରେସ ଭୁବନେଶ୍ୱରରୁ ନୟାଗଡକୁ ଗଡିବ । କେନ୍ଦ୍ର ରେଳମନ୍ତ୍ରୀ ଶ୍ରୀ ପିୟୁଷ ଗୋୟଲ ଆଜି ଏହି ଟ୍ରେନର ଶୁଭ ଉଦ୍ଘାଟନ କରିବେ । ଏହି ଟ୍ରେନ ଆଜି ଭୁବନେଶ୍ୱରରୁ ଅପରାହ୍ନ ୬ଟା ୪୦ ମିନିଟରେ ସମୟରେ ଏହାର ପ୍ରାରମ୍ଭିକ ଯାତ୍ରା ଆରମ୍ଭ କରିବ । ସେହିଭଳି ଏହା ନୟାଗଡରେ ରାତି ୮ଟା ୪୫ର ପେହଁଚିବ । ପୁଣି ନୟାଗଡ ଟାଉନଠାରୁ ସକାଳ ୬ଟା ୩୦ ମିନିଟରେ ବାହାରି ଭୁବନେଶ୍ୱରରେ ସକାଳ ୯ଟାରେ ପହଁଚିବ ।
ପିୟୁଷ ଗୋୟଲ ନୂଆ ଦିଲ୍ଲୀରୁ ଭିଡିଓ କନଫରେନସିଂ ମାଧ୍ୟମରେ ଭିଡିଓ କନଫରେନସିଂ ମାଧ୍ୟମରେ ଶୁଭାରମ୍ଭ କରିବେ । ଏହି ଅବସରରେ କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ଗ୍ୟାସ ତଥା ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନୂଆ ଦିଲ୍ଲୀ ଠାରେ ଓ ଓଡିଶା ସରକାରଙ୍କ ମନ୍ତ୍ରୀ, ସ୍ଥାନୀୟ ସାଂସଦ ଓ ବିଧାୟକ ମାନେ ଭୁବନେଶ୍ୱର ଠାରେ ଉପସ୍ଥିତ ରହିବେ ବୋଲି ଜଣା ପଡିଛି । ସେବା ଟ୍ରେନ ପାଇଁ ପୂର୍ବରୁ ନୟାଗଡ-ଖୋର୍ଧା ରୁଟ ଦେଇ ଚଳାଚଳ କରୁଥିବା ପାସେଞ୍ଜର ଟ୍ରେନ ଗୁଡିକର ସମୟରେ ସମାନ୍ୟ ପରିବର୍ତନ ହୋଇଥିବା ସୂଚନା ମିଳିଛି ।
