ବିଜେପୁର ( ଏଟିଆର ବ୍ୟୁରୋ):ବିଜେପୁର ଉପନିର୍ବାଚନ ପାଇଁ ୨ ଦିନିଆ ବିଜେପୁର ଗସ୍ତରେ ଅଛନ୍ତି ବିଜେଡି ସୁପ୍ରିମ ନବୀନ ପଟ୍ଟନାୟକ । ଆଜି ନବୀନଙ୍କ ଦ୍ୱିତୀୟ ଦିନ ଅର୍ଥାତ ଶେଷ ଦିନ ରହିଛି । ଏହି ଅବସରରେ ଆଜି ନବୀନ ଗାଇ ସିଲଟରେ ନବୀନ ରୋଡ ସୋ କରିବାର କାର୍ଯ୍ୟକ୍ରମ ରହିଛି । ଗତକାଲି ନବୀନ ବରପାଲି ଓ ବିଜେପୁରରେ ରୋଡ ସୋ କରିଥିଲେ । ନବୀନ ନିଜ ହାଇଟେକ ବସରେ ରୋଡ ସୋ କରୁଛନ୍ତି ।
ସେହଭଳି ଆଜି ବିଜେପୁରରେ ନବୀନଙ୍କୁ ଟକ୍କର ଦେବା ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରଚାରର ମଙ୍ଗ ଧରିଛନ୍ତି । ଆଜି ଧର୍ମେନ୍ଦ୍ର ବିଜେପୁରରେ ନିର୍ବାଚନୀ ପ୍ରଚାର କରୁଛନ୍ତି । ଅନ୍ୟପଟେ କଂଗ୍ରେସ ମଧ୍ୟ ନିଜ ଶୈଳିରେ ପ୍ରଚାରକୁ ଜୋରଦାର କରିଛନ୍ତି । କଂଗ୍ରେସ ପ୍ରାର୍ଥୀଙ୍କ ପାଇଁ ସୁର ରାଉତରାୟଙ୍କ ଭଳି ହେବିୱେଟ ନେତା ପ୍ରଚାର ମୈଦାନକୁ ଓହ୍ଲାଇଛନ୍ତି । ସବୁ ରାଜନୈତିକ ଦଳର ନେତା ମାନେ ନିଜ ନିଜ ପ୍ରାର୍ଥୀଙ୍କ ପାଇଁ ଘରଘର ବୁଲି ଭୋଟ ଭିକ୍ଷା କରୁଥିବା ଦେଖିବାକୁ ମିଳିଛି ।
