ଖୋର୍ଦ୍ଧା (ଏଟିଆର ବ୍ୟୁରୋ); ପୁଣି ଚିଲିକାରେ ମାତିଲେ ପକ୍ଷୀ ଶିକାରୀ । ବନ୍ୟ ବିଭାଗ ଶିକାରୀଙ୍କ ଉପରେ ଚଢ଼ାଉ କରିଥିଲେ ମଧ୍ୟ ଅଭିଯୁକ୍ତମାନେ ଫେରାର ହୋଇ ଯାଇଛନ୍ତି । ଟାଙ୍ଗୀ ବନ୍ୟ ପ୍ରାଣୀ ବିଭାଗ ଚଢ଼ାଉ କରି ୧୦୦ରୁ ଅଧିକ ମୃତ ଏବଂ ଜିବିତ ବିଦେଶୀ ପକ୍ଷୀ ଜବତ କରିଛି । ପକ୍ଷୀଙ୍କ ସମେତ ଶିକାରୀଙ୍କ ୨ଟି ଗାଡିକୁ ମଧ୍ୟ ଜବତ କରିଛି ବନ ବିଭାଗ ।
ମିଳିଥିବା ସୂଚନା ଅନୁଯାୟୀ ଶିକାରୀ ମାନେ ପକ୍ଷୀ ଶିକାର କରି ବ୍ୟାଗ ଏବଂ ବସ୍ତାରେ ନେଇ ଯାଉଥିଲେ ୪ ଜଣ ଅଭିଯୁକ୍ତ । ତେବେ କୌଣସି ବିଶେଷ ସୂତ୍ରରୁ ଖବର ପାଇ ଟାଗିଂ ବନ୍ୟପ୍ରାଣୀ ବିଭାଗ ଅଚାନକ ଚଢ଼ାଉ କରିଥିଲେ। ଏହାପରେ ପକ୍ଷୀ ଶିକାରୀମାନେ ବନ୍ୟପ୍ରାଣୀ ବିଭାଗ କର୍ମଚାରୀମାନଙ୍କୁ ଦେଖି ଦୁଇଟି ମୋଟରସାଇକେଲ ଓ ପକ୍ଷୀ ଗୁଡ଼ିକ ଫୋପାଡ଼ି ଦୌଡି ପଳାଇଥିଲେ। ବନ୍ୟପ୍ରାଣୀ ବିଭାଗ କର୍ମଚାରୀମାନେ ସେମାନଙ୍କୁ ଧରିବାକୁ ଗୋଡାଇଥିଲେ ମଧ୍ୟ ସେମାନଙ୍କୁ ଧରିପାରିନଥିଲେ ।
