କେନ୍ଦ୍ରାପଡା ( ଏଟିଆର ବ୍ୟୁରୋ): କେନ୍ଦ୍ରପଡା ପାଟକୁରା ବିଧାନସଭା ଆସନ ପାଇଁ ଆଜି ନାମାଙ୍କନ କଲେ ସ୍ୱର୍ଗତବେଦ ପ୍ରକାଶ ଅଗ୍ରୱାଲଙ୍କ ପତ୍ନୀ ସାବିତ୍ରୀ ଅଗ୍ରୱାଲ । ଗତ ୨୦ ତାରିଖରେ କେନ୍ଦ୍ରାପଡା ପାଟକୁରା ବିଜେଡି ବିଧାୟକ ପ୍ରାର୍ଥୀ ବେଦ ପ୍ରକାଶ ଅଗ୍ରୱାଲଙ୍କ ଦେହାନ୍ତ ପରେ ଉକ୍ତ ଆସନରୁ ବିଜେଡି ପକ୍ଷରୁ ବେଦଙ୍କ ପତ୍ନୀ ସାବିତ୍ରୀ ଅଗ୍ରୱାଲଙ୍କୁ ସେଠାରେ ପ୍ରାର୍ଥୀ କରିଛି । ଏହି ଅବସରରେ ଆଜି ସାବିତ୍ରୀ ତାଙ୍କର ନାମାଙ୍କନ ଭରିଛନ୍ତି । ଦଳୀୟ ସମର୍ଥକଙ୍କ ସହିତ ଏକ ଶୋଭାଯାତ୍ରାରେ ସେ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ପ୍ରାର୍ଥୀ ପତ୍ର ଦାଖଲ କରିଛନ୍ତି । ତାଙ୍କ ସହିତ କେନ୍ଦ୍ରାପଡା ବିଜେଡି ବିଧାୟକ ପ୍ରାର୍ଥୀ ଶଶିଭୂଷଣ ବେହେରା ମଧ୍ୟ ତାଙ୍କ ସହିତ ଉପସ୍ଥିତ ରହିଥିଲେ ।
ବେଦଙ୍କ ମୃତ୍ୟପରେ ସେଠାରେ ଦଳ ପକ୍ଷରୁ କାହାକୁ ପ୍ରାର୍ଥୀ କରାଯିବ ତାକୁ ନେଇ ଚାଲିଥିଲା ଚର୍ଚ୍ଚା । ତେବେ ବର୍ତ୍ତମାନ ଏଠାରେ ବିଜେଡି ପ୍ରାର୍ଥୀ ଘୋଷଣା କଲା ସାବିତ୍ରୀଙ୍କୁ । ଉକ୍ତ ଆସନରେ ଆସନ୍ତା ୧୯ ତାରିଖରେ ନିର୍ବାଚନ ଅନୁଷ୍ଠିତ ହେବ । ବିଜେଡି କୁ ଛାଡିଦେଲେ ଅନ୍ୟ ସମସ୍ତ ଦଳର ପ୍ରାର୍ଥୀଙ୍କ ନାମାଙ୍କନ କାଏମ ରହିଛି । ଏଠାରେ ବିଜେପି ପକ୍ଷରୁ ବରିଷ୍ଠ ନେତା ବିଜୟ ମହାପାତ୍ର ପ୍ରାର୍ଥୀ ହୋଇଥିବା ବେଳେ । କଂଗ୍ରେସ ପକ୍ଷରୁ ଜୟନ୍ତ ମହାନ୍ତି ପ୍ରାର୍ଥୀ ହୋଇଛନ୍ତି । ତେବେ ଚଳିତ ଥର ଏଠାରେ ତ୍ରୀମୁଖି ଲଢେଇ ହେବ ବୋଲି ଏବେଠୁ ସାଧାରଣରେ ଆଲୋଚନା ହେଲାଣି । ପାଟକୁରାରେ ଏଥର ୧୦ ଜଣ ପ୍ରାର୍ଥୀ ହୋଇଛନ୍ତି ।
