ଭୁବନେଶ୍ୱର ( ଏଟିଆର ବ୍ୟୁରୋ): ରାତି ପାହିଲେ ନିର୍ବାଚନ । ଏଇ ଭିତରେ କିନ୍ତୁ ରାଜନୈତିକ ଦଳ ମାନଙ୍କରେ ମିଶ୍ରଣ ପର୍ବ ସରିବାର ନାଁ ନେଉନି । କେତେବେଳେ ସରକାରୀ ଦଳରେ ବିରୋଧୀଙ୍କର ହେଉଛି ମିଶ୍ରଣ ତ ପୁଣି କେତେବେଳ ବିରୋଧୀ ଦଳରୁ ଆସି ବିଜେଡିରେ ମିଶୁଛନ୍ତିି ନେତା ଓ କର୍ମୀ । ବର୍ତ୍ତମାନ ଚାଲିଥିବା ଏଇ ନିଆରା ପରମ୍ପରା ଭିତରେ ଆଜି କଂଗ୍ରେସରେ ମିଶିଛନ୍ତି ବିଜେଡି ନେତା ଓ କର୍ମୀ । ସଭାପତି ନିରଞ୍ଜନ ପଟ୍ଟନାୟକଙ୍କ ବାସ ଭବନରେ ହୋଇଛି କଂଗ୍ରେସର ଏହି ମିଶ୍ରଣ ପର୍ବ ।
ଭଦ୍ରକ ଜିଲ୍ଲା ଭଣ୍ଡାରୀ ପୋଖରୀ ନିର୍ବାଚନ ମଣ୍ଡଳୀର ପୂର୍ବତନ ବ୍ଲକ ଉପସଭାପତି ଆନନ୍ଦ ଓଝାଙ୍କ ସମେତ ବିଜୁ ଯୁବ ବାହିନୀର ଅନେକ ସଦସ୍ୟ କଂଗ୍ରେସରେ ଯୋଗ ଦେଇଛନ୍ତି । ଏହି ଅବସରରେ ଯୋଗ ଦେଇଥିବା କର୍ମୀ ଓ ନେତାଙ୍କ କହିବା କଥା ବିଜୁ ଜନତା ଦଳରେ ହେଉଥିବା କାର୍ଯ୍ୟକ୍ରମରେ ସେମାନେ ଅସନ୍ତୋଷ ହୋଇ ବିଜେଡିରେ ଯୋଗ ଦେଇଛନ୍ତି । ସେହିଭଳି ପିସିସି ସଭାପତି ନିରଞ୍ଜନ ପଟ୍ଟନାୟକ ନିଜ ପ୍ରତିକ୍ରିୟାରେ କହିଛନ୍ତି ଏହି ମିଶ୍ରଣ ପର୍ବ କଂଗ୍ରେସ ଦଳରେ ଭଲ ପ୍ରଭାବ ପକାଇବ ବୋଲି ସେ କହିଛନ୍ତି ।
