କଲ୍ୟାଣସିଂହପୁର (ଏଟିଆର ବ୍ୟୁରୋ): ନୂଆ ବର୍ଷ ପୂର୍ବରୁ ଅଘଟଣ । ଭାରସାମ୍ୟ ହରାଇ ଗଛରେ ପିଟିଲା ବୋଲେରୋ । ଦୁର୍ଘଟଣାରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣଙ୍କ ଅବସ୍ଥା ଶୋଚନୀୟ ହୋଇପଡିଛି । ଗୁରୁତର ଭାବେ ଆହତ ଥିବା ବ୍ୟକ୍ତିକୁ ରାୟଗଡା ଡାକ୍ତରଖାନାରେ ଭର୍ତ୍ତି କରାଯାଇଛି । ମୃତକ ମାନଙ୍କ ମଧ୍ୟରୁ ତିନି ଜଣ ଡେଙ୍ଗାଗୁଡା ଅଞ୍ଚଳର ହୋଇଥିବା ବେଳେ ଜଣେ ପଣସଗୁଡାର ବ୍ୟକ୍ତି ଜାଣିବାକୁ ମିଳିଛି ।
ଗତକାଲି ଶୀତୁଆ ରାତିରେ ଏକ ବୋଲେରୋ ଯୋଗେ ମୋଟ ୫ ଜଣ ଯାତ୍ରୀ ରାୟଗଡାରୁ ଚଇତି ମହୋତ୍ସବ ଦେଖି ଫେରୁଥିଲେ । ସେହି ସମୟରେ ଅଚାନକ୍ ବୋଲେରୋଟି ଭାରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲା । ଘଟଣାରେ ୪ ଜଣଙ୍କର ମୃତ୍ୟୁ ଘଟିବା ସହ ବୋଲେରୋଟି ସମ୍ପୂର୍ଣ୍ଣ ଚେପା ହୋଇଯାଇଛି । ଘଟଣାରେ ପୋଲିସ୍ ତଦନ୍ତ ଆରମ୍ଭ କରିଛି ।
