ମୁମ୍ବାଇ ( ଏଟିଆର ବ୍ୟୁରୋ): ସାଙ୍ଗ ସାଥିଙ୍କ ସହିତ ପାର୍ଟି ହଉ ଅବା ନିଆରା ଡ୍ରେସକୁ ନେଇ ସବୁବେଳେ ଚର୍ଚ୍ଚାରେ ରହିଥିବା କିଙ୍ଗଖାନ ଶାହାରୁଖଙ୍କ ଝିଅ ସୁହାନା ଖାନ ଏଥର ଏକ ଡ୍ୟାନସିଂ ଭିଡିଓକୁ ନେଇ ଚର୍ଚ୍ଚାରେ ରହିଛନ୍ତି । ଯେଉଁ ଭିଡିଓରେ ସୁହାନା ମନଖୋଲି ଡ୍ୟାନ କରୁଥିବାର ନଜର ଆସିଛନ୍ତି । ଏକ ସିଲଭର କଲର ଡ୍ରେସରେ ଡ୍ୟାନସ କରୁଛନ୍ତି ସୁହାନା ।
ସୂଚନା ଅନୁସାରେ ଗତ କିଛିଦିନ ତଳେ ସୁହାନା ତାଙ୍କର ଜଣେ ନିକଟ ସଂମ୍ପର୍କୀୟଙ୍କ ବିବାହ ଉତ୍ସବରେ ଯୋଗ ଦେଇଥିଲେ ଯାହାର କିଛି ଫଟୋ ସେତେବେଳେ ସୋଶାଲ ମିଡିଆରେ ସେୟାର କରିଥିଲେ ତାଙ୍କ ସମ୍ପର୍କୀୟ ଅଲିଆ ଚିବା । ଯେଉଁ ଫଟୋରେ ସୁହାନା ହାଲକା ସବୁଜ ରଂଙ୍ଗର ଏକ ଚୁଡଦାର ପିନ୍ଧି ହାତରେ ମେହେନ୍ଦୀ କରିଥିବାର ନଜର ଆସିଥିଲେ ।
ସୁହାନା ପ୍ରଥମେ ୨୦୧୮ ମସିହାରେ ଏକ ମାଗାଜିନ କଭର ପେଜରେ ନଜର ଆସିଥିଲେ । ଯେଉଁ ମାଗାଜିନରେ ସେ ସିନେମାକୁ ନେଇ ନିଜ କ୍ୟାରିଅର ବିଷୟରେ ଆଲୋଚନା କରିଥିଲେ । ସ୍କୁଲରେ ପାଠ ପଢିବା ସମୟରେ ସେ ସବୁବେଳେ ସ୍କୁଲ ଡ୍ରାମାରେ ଭାଗ ନେଉଥିବା କଥା କହିଥିଲେ । ତେବେ ଝିଅର ସିନେମା କ୍ୟାରିଅରକୁ ନେଇ କିଙ୍ଗଖାନ ସେତେବେଳେ ଗଣମାଧ୍ୟମକୁ ପ୍ରତିକ୍ରିୟାରେ କହିଥିଲେ ଝିଅର ବୟସ ଏବେ ବହୁତ କମ ଅଛି । ଏବେ ତାର ପାଠ ପଢିବା ସମୟ କହି ପ୍ରସଙ୍ଗକୁ ଏଡାଇ ଯାଇଥିଲେ ଶାହାରୁଖ ।
