ଭୁବନେଶ୍ୱର ( ଏଟିଆର ବ୍ୟୁରୋ): ରାଜ୍ୟରେ ଦିନକୁ ଦିନ ମାଟିଆ ଜହର ତାର କାୟା ବିସ୍ତାର କରି ଚାଲିଛି । ବିଶେଷ କରି ଏହି ନିଶା କବଳରେ ଏବେ ଅଧିକ ଫସୁଛନ୍ତି ଯୁବ ଗୋଷ୍ଠୀ ଆଉ କଲେଜ ଛାତ୍ରଛାତ୍ରୀ । ତେବେ ରାଜଧାନୀ ଉପକଣ୍ଠ କୋଳଥିଆ ଛକ ନିକଟରୁ ୩୦ ଗ୍ରାମ ବ୍ରାଉନ ସୁଗାର ଜବତ କରିଛି ଅବକାରୀ ବିଭାଗ । ବିଭାଗର ଏକ ସ୍ୱତନ୍ତ୍ର ଟିମ ଚଢାଉ କରି ବ୍ରାଉନ ସୁଗାରେ ସହ ଅଭିଯୁ୍କ୍ତକୁ ଗିରଫ କରିଛି ।
ଗିରଫ ହୋଇଥିବା ଅଭିଯୁକ୍ତ ହେଉଛନ୍ତି ଖୋର୍ଦ୍ଧା ବେଗୁନିଆର ସୁମନ୍ତ ରାଉତ ରାୟ । ଜବତ ହୋଇଥିବା ବ୍ରାଉନ ସୁଗାରର ମୂଲ୍ୟ ପାଖାପାଖି ୩ ଲକ୍ଷ ଟଙ୍କାରୁ ଅଧିକ ହେବ । ସୂଚନା ଅନୁସାରେ ସୁମନ୍ତ ବେଶ କିଛିଦିନ ହେଲା ଏହି ବ୍ୟବସାୟ କରି ଆସୁଥିଲା । କଲେଜ ଛାତ୍ରଛାତ୍ରୀଙ୍କୁ ସେ ଏହି ବିଷ ବାଣ୍ଟୁଥିବା ଜଣା ପଡିଛି । ସେ ଏକ ଅଟୋ ରିକ୍ସା ମାଧ୍ୟମରେ ଏହି କାରବାର କରୁଥିଲା ।
