ଭୁବନେଶ୍ୱର (ଏଟିଆର ବ୍ୟୁରୋ):ଆଜି ଭୁବନେଶ୍ୱର-ପୁରୀ ବସ୍ ଚଳାଚଳ ବନ୍ଦ । ଦୀର୍ଘଦିନ ଧରି ଚାଲିଥିବା ଦୁଇ ବସ୍ ସଂଘ ମଧ୍ୟରେ ବିବାଦ ଥମିବାର ନାଁ ଧରୁନି । ତାହା ଏବେ ଉଗ୍ରରୂପ ନେଇଛି । ପୁରୀ ମାଲିକଙ୍କ ବସ୍ କୁ ଅଟକାଇବାକୁ ଭୁବନେଶ୍ୱର ମାଲିକ ସଂଘ ପକ୍ଷରୁ ନିଷ୍ପତି ନିଆଯାଇଛି ।
ସମୟ ନିର୍ଘଣ୍ଟକୁ ନେଇ ଏହି ବିବାଦ ବାରମ୍ବାର ଉପୁଜୁଛି । ଫଳରେ ଭୁବନେଶ୍ୱରରୁ ପୁରୀକୁ କୌଣସି ବସ୍ ଯାତାୟତ କରୁ ନାହିଁ, ସେହିପରି ପୁରୀରୁ ଭୁବନେଶ୍ୱରକୁ ଆସୁଥିବା ଦୁଇଟି ବସ୍ କୁ କଳ୍ପନା ଛକରେ ଅଟକାଇଛି ଭୁବନେଶ୍ୱର ମାଲିକ ସଂଘ ।
କେବେ ଏହି ଦୁଇ ମାଲିକ ସଂଘ ମଧ୍ୟରେ ଥିବା ବିବାଦକୁ ନେଇ ପୂର୍ଣ୍ଣଛେଦ ପଡିବ ସେ ନେଇ ପ୍ରଶ୍ନ ଉଠୁଛି । କାରଣ ଏମାନଙ୍କ ଝଗଡା ମଧ୍ୟରେ ବଳି ପଡି ଯାଉଛନ୍ତି ଯାତ୍ରୀ ।
