ଅନୁଗୋଳ (ଏଟିଆର ବ୍ୟୁରୋ); ପୁଣି ଦୁର୍ଘଟଣା । ବସ-ଟ୍ରକ ମୁହାଁମୁହିଁ ଧକ୍କା ହେଇଛି । ଏଥିରେ ୩ ଜଣ ଆହତ ହୋଇଥିବା ଜଣାପଡିଛି । ଆହତଙ୍କୁ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ‘ହେତା’ ନାମକ ଏକ ଘରୋଇ ବସ ଟ୍ରକ ସହ ଧକ୍କା ହୋଇଛି । ତେବେ ଏହି ଦୁର୍ଘଟଣା ଟ୍ରକ ଡ୍ରାଇଭରଙ୍କ ଆସାବଧାନତା ପାଇଁ ହୋଇଛି ବୋଲି ସୂଚନା ମିଳିଛି । ପୋଲିସ ଖବର ପାଇବା ପରେ ଆହତଙ୍କ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ ବୌଦ୍ଧରୁ ଅନୁଗୋଳ ଆସୁଥିବା ବେଳେ ହଠାତ ସାମ୍ନାରୁ ଏକ ଟ୍ରକ ଆସି ଧକ୍କା ଦେଇଥିଲେ । ତେବେ ବସରେ ବସିଥିବା ୩୫ ଜଣ ଯାତ୍ରୀଙ୍କ ମଧ୍ୟରୁ ତିନି ଜଣ ଗୁରୁତର ଆହତ ହୋଇଛନ୍ତି । ତିନି ଜଣଙ୍କ ମଧ୍ୟରେ ଜଣେ ମହିଳା ଥିବା ଜଣାପଡିଛି । ମହିଳାଙ୍କ ମୁଣ୍ଡରେ ଜୋରରେ ଆଘାତ ଲାଗିଛି ବୋଲି ଡାକ୍ତର ସୂଚନା ଦେଇଛନ୍ତି ।
