ଖୋର୍ଦ୍ଧା (ଏଟିଆର ବୁରୋ): ଜଟଣୀ ତଳଖେତା ନିକଟରେ ଏକ ଅଘଟଣ ଘଟିଛି । ଏଥିରେ ଚାଲି ଯାଇଛି ଦୁଇଟି ମୂଲ୍ୟବାନ ଜୀବନ ।
ଗତକାଲି ବିଳମ୍ବିତ ରାତିରେ ଜଟଣୀରୁ ଭୁବନେଶ୍ୱର ଅଭିମୁଖେ ଆସୁଥିବା ଏକ କାର୍ ଟି ଭାରସାମ୍ୟ ହରାଇ ବ୍ରିଜ୍ ତଳକୁ ଖସିପଡିଥିଲା । ପାଣି ଭିତରେ କାର୍ ଟି ବୁଡି ରହିଥିବା ଦେଖି ସ୍ଥାନୀୟ ଲୋକେ ଦମକଳ ବାହିନୀକୁ ଖବର ଦେଇଥିଲେ ।
ବଳପୂର୍ବକ କାର ଭିତରୁ ଡ୍ରାଇଭରଟି ବାହାରି ଆସି ଆଉ ଦୁଇ ଜଣ କାର ଭିତରେ ଅଛନ୍ତି ବୋଲି କହି ସେଠାରୁ ଫେରାର ହୋଇଯାଇଥିଲା । ପରେ ଅଗ୍ନିଶମ ଟିମ୍ ପହଁଚି କାର୍ ସମେତ ଦୁଇ ଜଣ ଯୁବକଙ୍କୁ ଉଦ୍ଧାର କରିଥିଲା । କିନ୍ତୁ ସେତେବେଳକୁ ଯୁବକ ଦ୍ୱୟଙ୍କର ମୃତ୍ୟୁ ହୋଇ ସାରିଥିଲା ।
ଏହି ଘଟଣାକୁ ନେଇ ଆଜି ସକାଳୁ ଜଟଣୀ ରାସ୍ତାକୁ ଅବରୋଧ କରାଯାଇଛି ।
