ଭୁବନେଶ୍ୱର(ଏଟିଆର ବ୍ୟୁରୋ): ଗତକିଛି ଦିନ ତଳେ ପୂର୍ବତନ ବିଧାୟକ ଅନୁପ ସାଏଙ୍କୁ ଛତିଶଗଡ ପୋଲିସ ଗିରଫ କରିଥିଲା । ଛତିଶଗଡରେ ମିଳିଥିବା ମା ଝିଅ ମର୍ଡର କେସରେ ଅନୁପଙ୍କୁ ଗିରଫ କରିଥିଲା ପୋଲିସ । ଅନୁପ ହିଁ ମୃତ କଳ୍ପନା ଦାସ ଓ ତାଙ୍କ ଝିଅକୁ ମାରିଥିବା ନେଇ ଛତିଶଗଡ ଏସପି ସୂଚନା ଦେଇଥିଲେ । ଏହି ମାମଲାରେ ଅନୁପଙ୍କ ଡ୍ରାଇଭର ବର୍ଦ୍ଧନ ଟପ୍ପୋଙ୍କୁ ଗିରଫ କରିଛି ପୋଲିସ । ତେବେ ପଚରାଉଚରା ସମୟରେ ଏହି ହତ୍ୟା ମାମଲାରେ ଆଉ କାହାର ସମ୍ପୃକ୍ତି ଥିବାର ପୋଲିସ ସନ୍ଦେହ କରିଥିଲା ।
ଏହାକୁ ନେଇ ଅଧିକ ଛାନଭିନ କରିବା ପାଇଁ ଛତିଶଗଡ ପୋଲିସ ଓଡିଶା ଆସିଛି । ଭୁବନେଶ୍ୱରର ବିମାନ ବନ୍ଦରରେ ଛତିଶଗଡ ପୋଲିସ ଛାନଭିନ କରୁଥିବାର ସୂଚନା ମିଳିଛି । ମୃତ କଳ୍ପନା ଦାସଙ୍କ ଭାଉଜ ରୀନା ଦାସଙ୍କୁ ରାୟଗଡ ଚକ୍ରଧରପୁର ଥାନାରେ ହାଜର ହେବାକୁ ନୋଟିସ ଜାରି କରିଛି ପୋଲିସ । ତାଙ୍କର ଆଜି ବୟାନ ରେକର୍ଡ କରାଯିବ । ହତ୍ୟାକାଣ୍ଡରେ ବ୍ୟବହୃତ ହୋଇଥିବା ବୋଲେରୋ ଓ ଇନୋଭା ଗାଡିକୁ ଥାନାରେ ପହଞ୍ଚାଇବାକୁ ଅନୁପଙ୍କ ପୁିୁରାକୁ ନୋଟିସ କରାଯାଇଛି ।
