ନୂଆଦିଲ୍ଲୀ(ଏଟିଆର ବ୍ୟୂରୋ):ଭାରତରେ ପ୍ରବେଶ କରିଥିବା ପୁଣି ଜଣେ ଚାଇନ ସୈନ୍ୟଙ୍କୁ କାବୁ କରିଛି ଭାରତୀୟ ସୁରକ୍ଷାକର୍ମୀ । ପାଙ୍ଗୋଙ୍ଗ ହ୍ରଦ ନିକଟରେ ଚୀନର ଜଣେ ସୈନିକ ବୁଲୁଥିବା ବେଳେ ଭାରତୀୟ ସେନାମାନଙ୍କ ଦ୍ବାରା ଧରାପଡିଛି ।ଚୀନ ସୈନ୍ୟଙ୍କୁ ରଖି ପଚାରୁଚାର କରିଛି ଜାରି ରଖିଥିବା ବେଳେ ସେ ରାସ୍ତା ଭୁଲି ଯାଇ ସୀମାରେ ପହଞ୍ଚିଥିଲେ ବୋଲି କହିଥିଲେ ।
ଚୀନ ସୈନ୍ୟ କେଉଁ ପରିସ୍ଥିତି ନେଇ ଓ କାହିଁକି ଏଲଏସି ଡେଇଁ ଆସିଥିଲେ ତାହା ଜଣାପଡି ନାହିଁ । ଯବାନ ଜଣଙ୍କ କୈାଣସି ଖରାପ ଲକ୍ଷ୍ୟ ନେଇ ପ୍ରବେଶ କରିଥିଲେ କି ନାହିଁ ତାର ମଧ୍ୟ ଯାଞ୍ଚ କରାଯାଇଛି ।
ଚାଇନିଜ୍ ଯବାନ ଜଣଙ୍କ ଗୁରୁଙ୍ଗ ହିଲ୍କୁ ପ୍ରବେଶ କରିବା କ୍ଷଣି ଭାରତୀୟ ସୁରକ୍ଷାକର୍ମୀମାନେ ତାଙ୍କୁ ଧରି ପକାଇଥିଲେ। ଏହାପରେ ତାଙ୍କୁ ବେସ୍ କ୍ୟାମ୍ପକୁ ଅଣାଯାଇଥିଲା । ଭାରତ ଓ ଚୀନ ମଧ୍ୟରେ ଗତ ବର୍ଷ ଜୁନ୍ରୁ ଉତ୍ତେଜନା ଜାରି ରହିଛି । ଦୁଇ ଦେଶ ପୂର୍ବ ଲଦାଖ ଏଲଏସିରେ ବଡ ସଂଖ୍ୟାରେ ସୈନ୍ୟ ମୁତୟନ କରିଛନ୍ତି ।
