ଚୌଦ୍ୱାର ( ଏଟିଆର ବ୍ୟୁରୋ): ପୁଣି ଚୌଦ୍ୱାରରେ ଫୁଟିଲା ପୁଲିସ ଗୁଳି । ଫୁଲ ଆକ୍ସନ ମୁଡରେ ଚୌଦ୍ୱାର ପୋଲିସ । ଭୋରୁ ଭୋରୁ କୁଖ୍ୟାତ ଅପରାଧୀକୁ ଏନକାଉଣ୍ଟର । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ପୋଲିସକୁ ଏକ ବିଶେଷ ସୂତ୍ରରୁ ଖବର ମିଳିଥିଲା ଦୁର୍ଦାନ୍ତ ଅପରାଦଈ ମୁନା ବେହୁରୀ ଚୌଦ୍ୱାର ଅଞ୍ଚଳରେ ବୁଲୁଛି । ସେ ପୁଣି ଏକ ବଡ ଅପରାଧ ଘଟାଇବା ପାଇଁ ଷଡଯନ୍ତ୍ର କରୁଛି । ତେବେ ପୋଲିସ ଏହି ପୋଲିସ ଏହି ସୂଚନା ପାଇବା ପରେ ମୁନା ଧରିବା ପାଇଁ ଜାଲ ବିଛାଇଥିଲା ।
ଏନେଇ ଥାନା ଅଧିକାରୀ ପଦ୍ମନାଭ ପ୍ରଧାନ ଘଟଣା ସ୍ଥଳରେ ପହଞ୍ଚିଥିଲେ । ସେଠାରେ ସେମାନେ ମୁନାକୁ ଧରିବାକୁ ଚେଷ୍ଟା କରିଥିଲେ । ମାତ୍ର ମୁନା ଖସି ଚେଷ୍ଟା କରିବା ସହିତ ପୋଲିସକୁ ଆକ୍ରମଣ କରିଥିଲା । ତେବେ ପୋଲିସ ଅପରାଧୀ ମୁନାକୁ ଏନକାଉଣ୍ଟର କରିଥିଲା । ମୁନା ନାଁ ରେ ବିଭିନ୍ନ ଥାନାରେ ଅପରାଧିକ ମାମଲା ରହିଛି। ଘଟଣାସ୍ଥଳରୁ ଗୋଟିଏ ପିସ୍ତଲ୍ ଓ ଗୁଳି ଜବତ କରିଛି ପୋଲିସ । ସୂଚନାଯୋଗ୍ୟ ଚୌଦ୍ଵାର ରାଇସମିଲ ସାମନାରେ ଗତକାଲି ଦୁର୍ଦାନ୍ତ ଅପରାଧୀ ଜିତୁକୁ ଏନକାଉଣ୍ଟର କରିଥିଲା ପୋଲିସ ।
