ଭୁବନେଶ୍ୱର (ଏଟିଆର ବ୍ୟୁରୋ): ବସ୍ତିବାସିନ୍ଦାଙ୍କୁ ମିଳିଲା ଜମିପଟ୍ଟା । ରାଜ୍ୟର ୫ଟି ମହାନଗର ନିଗମର ବସ୍ତିବାସିନ୍ଦାଙ୍କୁ ଆଜି ଜମିପଟ୍ଟା ବଣ୍ଟନ କରାଯାଇଛି । ଜାଗା ମିଶନ ଜରିଆରେ ଏହି ଜମିପଟ୍ଟା ପ୍ରଦାନ କରାଯାଇଛି । ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ୧୦୧୦ ବିଜୁ ଆଦର୍ଶ କଲୋନୀର ଲୋକାର୍ପଣ କରି ୬୫ ହଜାର ପରିବାରକୁ ଜମିପଟ୍ଟା ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ।
ଉଦବୋଧନ ଦେଇ ମୁଖ୍ୟମନ୍ତ୍ରୀ କହିଛନ୍ତି କି, ଗରିବଙ୍କ ଦୀର୍ଘଦିନର ସ୍ୱପ୍ନ ପୂରଣ ହୋଇଛି । ଘର ନିର୍ମାଣ ପାଇଁ ଆଗକୁ ସହାୟତା ମିଳିବ । ଗରିବଙ୍କୁ ଏକ ନୂତନ ପରିଚୟ ଦେଇଛି ଜାଗା ମିଶନ । ସହରରେ କେବଳ ଧନୀ ନୁହେଁ ଗରିବଙ୍କର ମଧ୍ୟ ସମ୍ମାନର ସହ ବଞ୍ଚିବାର ଅଧିକାର ରହିଛି । ସହରର ବିକାଶରେ ଗରିବ ଲୋକ ମଧ୍ୟ ପରିଶ୍ରମ କରିଛନ୍ତି । ସେମାନଙ୍କ ଅବଦାନକୁ ସମ୍ମାନ ଜଣାଇବା ଉଚିତ୍ ।
