ପୁରୀ(ଏଟିଆର ବ୍ୟୁରୋ): ପୁଣି ଚର୍ଚ୍ଚାରେ ଅଦିନିଆ ରଥଯାତ୍ରା । ଗତକିଛି ଦିନ ତଳେ ଅଦିନିଆ ରଥଯାତ୍ରା କରି ଚର୍ଚ୍ଚାକୁୁ ଆସିଥିଲା ଇସ୍କନ । ତେବେ ପୁଣିଥରେ ଇସ୍କନର ଅଦିନିଆ ରଥଯାତ୍ରାକୁ ନେଇ ବିବାଦ ମୁଣ୍ଡ ଟେକିଛି । ତେବେ ବର୍ତ୍ତମାନ ସୋସିଆଲ ମିଡିଆରେ ଏକ ପୋଷ୍ଟର ଭାଇରାଲ ହେବାରେ ଲାଗିଛି । ଯେଉଁ ପୋଷ୍ଟରରେ ହରେକୃଷ୍ଣ ଫେଷ୍ଟିଭାଲ ବୋଲି ଲେଖାଯାଇଛି । ଏହା ସହ ଏଥିରେ ରଥର ଫୋଟ ରହିବା ସହ ରୁଟ୍ ଚାର୍ଟ ମଧ୍ୟ ରହିଛି । ଆସନ୍ତା ୧୮ ତାରିଖ ଦିନ ଏହି ହରେକୃଷ୍ଣ ଫେଷ୍ଟିଭାଲ ମଥୁରାର ମୁକୁନ୍ଦ ବିହାର ଅଞ୍ଚଳରେ ଅପରାହ୍ନ ୨ଟାରେ ଅନୁଷ୍ଠିତ ହେବ ବୋଲି ଫୋଷ୍ଟରରେ ସୂଚନା ଦିଆଯାଇଛି । ଏହାକୁ ନେଇ ଭକ୍ତ ଓ ବୁଦ୍ଧିଜୀବି ମହଲରେ ଅସନ୍ତୋଷ ପ୍ରକାଶ ପାଇଛି ।
ସୂଚନା ଯୋଗ୍ୟ ଗାଜିଆବାଦର ଶ୍ରୀମଦ ନାରଦୀୟ ଭାଗବତ ନିକୁଞ୍ଜ ଟ୍ରଷ୍ଟ ତରଫରୁ ଗତ ଡିସେମ୍ବର ୨୯ରେ ରଥଯାତ୍ରା କରିବା ନେଇ ବିଜ୍ଞାପନ ପ୍ରକାଶ ପାଇବା ପରେ ବିବାଦ ତେଜିଥିଲା । ଜଗନ୍ନାଥ ସେନା ପକ୍ଷରୁ ସିଂହଦ୍ଵାର ଥାନାରେ ଏତଲା ଦିଆଯିବାପରେ ଏହା ବନ୍ଦ କରାଯାଇଥିଲା। ପରେ ମୁମ୍ବାଇର ଶିବାଜୀ ପାର୍କରେ ଅଦିନିଆ ରଥଯାତ୍ରା ପରେ ଏହି ପ୍ରସଙ୍ଗକୁ ନେଇ ଶ୍ରୀ ଜଗନ୍ନାଥ ମନ୍ଦିର ପରିଚାଳନା କମିଟି ବୈଠକରେ ଉଦବେଗ ପ୍ରକାଶ ପାଇଥିଲା।
