ଭୁବନେଶ୍ୱର ( ଏଟିଆର ବ୍ୟୁରୋ): ଆଜି ସକାଳେ ରାଜ୍ୟରେ ୭ ଜଣ ପଜିଟିଭ ଚିହ୍ନଟ ହୋଇଥିଲେ । ସେମାନଙ୍କ ମଧ୍ୟରୁ ୪ ଜଣ ସୁନ୍ଦରଗଡ ଜିଲ୍ଲାର ହୋଇଥିବା ବେଳେ ଭଦ୍ରକର ୩ ଜଣ ବୋଲି ସୂଚନା ଦିଆଯାଇଥିଲା । ଏନେଇ ସ୍ୱାସ୍ଥ୍ର୍ୟ ଓ ପରିବାର କଲ୍ୟାଣ ବିଭାଗ ୱେବ ସାଇଟରେ ସୂଚନା ଦିଆଯାଇଥିଲା । ତେବେ ସୁନ୍ଦରଗଡରୁ ଚିହ୍ନଟ ହୋଇଥିବା ୪ ପଜିଟିଭ ନାଲାରୋଡ ଅଞ୍ଚଳର ବୋଲି ସୂଚନା ମିଳିଛି । ଏହି ୪ ଅକ୍ରାନ୍ତ ପୂର୍ବରୁ ନାଲା ରୋଡରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ସମ୍ପର୍କୀୟ ବୋଲି ସୂଚନା ମଳିଛି ।
ନାଲା ରୋଡରେ ଚିହ୍ନଟ ହୋଇଥିବା ୬୦ ବର୍ଷୀୟ ବୟସସ୍କଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଛନ୍ତି । ସେପଟେ ଆଜି ଭଦ୍ରକରୁ ଚିହ୍ନଟ ହୋଇଥିବା ୩ ଜଣଙ୍କ ମଧ୍ୟରୁ ୨ ଜଣ ଭଦ୍ରକ ବାସୁଦେବପୁର ବ୍ଲକର ହୋଇଥିବା ବେଳେ ଆଉ ଜଣେ ଭଦ୍ରକ ବନ୍ତ ବ୍ଲକର ବୋଲି ଜିଲ୍ଲାପ୍ରଶାସନ ପକ୍ଷରୁ ଟ୍ୱିଟ କରି ସୂଚନା ଦିଆଯାଇଛି । ଏହି ୩ ଜଣ ପୁରୁଷ । ଏମାନଙ୍କର ପଶ୍ଚିମବଙ୍ଗ ସହିତ ଲିଙ୍କ ରହିଥିବା ସୂଚନା ରହିଛି । ସମସ୍ତଙ୍କ କଣ୍ଟାକ୍ଟ ଟ୍ରେସିଂ ଚାଲିଛି । ସୂଚନାଯୋଗ୍ୟ ଗତକାଲି ସଂକ୍ରମିତଙ୍କ ସଂଖ୍ୟା୧୧୧ ଥିବା ବେଳେ ଆଜି ୭ ଜଣ ପଜିଟିଭ ଚିହ୍ନଟ ହେବା ପରେ ଏହି ସଂଖ୍ୟା ୧୧୮ ରେ ପହଞ୍ଚିଛି ।
