ଭୁବନେଶ୍ୱର ( ଏଟିଆର ବ୍ୟୁରୋ): ରାଜ୍ୟରେ ପୁଣି ୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ସବୁଠାରୁ ବଡ କଥା ହେଲା ଏବେ ଗଞ୍ଜାମ ଛୁଇଁଛି କରୋନା । ଆଜି ସକାଳୁ ଚିହ୍ନଟ ହୋଇଥିବା ୨ ପଜିଟିଭ ଗଞ୍ଜାମ ଜିଲ୍ଲାର ବୋଲି ଜଣା ପଡିଛି । ଏନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ୱେବ ସାଇଟରେ ସୂଚନା ଦିଆଯାଇଛି ।
ରାଜ୍ୟରେ ଏବେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧୫୯ କୁ ବୃଦ୍ଧି ପାଇଛି । ଏଯାବତ ରାଜ୍ୟରେ ୧୬ ଟି ଜିଲ୍ଲାକୁ ବ୍ୟାପିଲାଣି କରୋନା । ସୂଚନାଯୋଗ୍ୟ ରାଜ୍ୟରେ ଏଯାବତ ୩୮ ହଜାର ୬୫୮ ଟି ସାମ୍ପଲ ଟେଷ୍ଟ ହୋଇ ସାରିଲାଣି । ସେଥିମଧ୍ୟରୁ ୧୫୯ ଟି ପଜିଟିଭ ଚିହ୍ନଟ ହୋଇଥିବା ବେଳେ ୧୦୨ ଟି କେସ ଆକ୍ଟିଭ ରହିଛି । ୫୬ ଜଣ ସୁସ୍ଥ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି ।
