କଳାହାଣ୍ଡି (ଏଟିଆର ବ୍ୟୁରୋ): ଆଜି କଳାହାଣ୍ଡିରୁ ଆଉ ଜଣେ କରୋନା ରୋଗୀ ଚିହ୍ନଟ ହୋଇଛନ୍ତି । ଗତକାଲି ବିଳମ୍ବିତ ରାତିରେ ଆସିଥିବା ୪ ଜଣ ସଂକ୍ରମିତଙ୍କ ମଧ୍ୟରୁ ଜଣେ କଳାହାଣ୍ଡିର ବୋଲି ସୂଚନା ମିଳିଛି । ସୂଚନା ଅନୁସାରେ କଳାହାଣ୍ଡିରେ ଚିହ୍ନଟ ହୋଇଥିବା ପ୍ରଥମ କରୋନା ଆକ୍ରାନ୍ତଙ୍କ ଶସ୍ପର୍ଶରେ ଆସିଛନ୍ତି ଗତକାଲି ଚିହ୍ନଟ ହୋଇଥିବା ଦ୍ୱିତୀୟ ଆକ୍ରାନ୍ତ । ଗତକାଲି ଚିହ୍ନଟ ହୋଇଥିବା ଦ୍ୱିତୀୟ ଆକ୍ରାନ୍ତ ପ୍ରଥମ ଆକ୍ରାନ୍ତଙ୍କ ସହିତ କ୍ରିକେଟ ଖେଳି ସଂକ୍ରମିତ ହୋଇଥିବା ସୂଚନା ମିଳିଛି । ପ୍ରଥମ କରୋନା ରୋଗୀ ଚିହ୍ନଟ ହେବା ପରେ ଦ୍ୱତୀୟ ଆକ୍ରାନ୍ତ କ୍ୱାରେଣ୍ଟାଇନରେ ଥିଲେ ପରେ ତାଙ୍କ ରିପୋର୍ଟ ଏବେ ପଜେଟିଭ ଆସିଛି । ତାଙ୍କୁ ଏବେ କଟକ ଅଶ୍ୱିନୀ ହସ୍ପିଟାଲରେ ଚିକିତ୍ସା କରାଯିବ ବୋଲି ଜଣାପଡିଛି ।
ଆକ୍ରାନ୍ତଙ୍କ ସଂସ୍ପର୍ଶରେ କିଏ ଆସିଛନ୍ତି ତାର ଟ୍ରେସିଂ ଚାଲିଛି ବୋଲି କଳାହାଣ୍ଡି ଜିଲ୍ଲାପାଳ ଜି.ପରାଗ ହର୍ସଦ ସୂଚନା ଦେଇଛନ୍ତି। ସୂଚନାଯୋଗ୍ୟ ଗତକାଲି ବିଳମ୍ବିତ ରାତିରେ ୪ ଜଣଙ୍କ କରୋନା ପଜିଟିଭ ଚିହ୍ନଟ ହୋଇଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଥିଲା । ସେହି ୪ ଜଣଙ୍କ ମଧ୍ୟରୁ କଳାହାଣ୍ଡିର ଜଣେ ବୋଲି ସୂଚନା ମିଳିଛି । ଏବେ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ୪୮ ରେ ପହଞ୍ଚିଥିବା ବେଳେ ସେମାନଙ୍କ ମଧ୍ୟରୁ ୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।
