ଗଞ୍ଜାମ (ଏଟିଆର ବ୍ୟୁରୋ); ମରି ପଡିଛନ୍ତି ୫୦ରୁ ଅଧିକ ଗୋରୁ । ଗଞ୍ଜାମ ଜିଲ୍ଲା ଆସିକା ବ୍ଳକରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା । ତେବେ କେଉଁ କାରଣରୁ ଏହି ମଡକ ହୋଇଛି ତାହା ଜଣା ପଡିନାହିଁ । ମିଳିଥିବା ସୂଚନା ମୁତାବକ ଆସିକା ବ୍ଳକର ଲଣ୍ଡାଜୁଆଳି ଗାଁରେ ୫ ଜଣ ଗୋରୁ ଜଗୁଆଳି ଶତାଧିକ ଗାଇ ରଖି ଗୋଠ କରିଥିଲେ । ହଠାତ ଏହି ଗୋଠରେ ଗୋମଡକ ଦେଖାଦେଇଥିଲା । ଏହା ଦେଖିବା ପରେ ଗୋରୁ ଜଗୁଆଳିମାନେ ଭୟ କରିଯାଇଛନ୍ତି । ଗୋମଡକ ଖବର ପାଇବା ପରେ ପ୍ରାଣୀ ଚିକିତ୍ସା ଅଧିକାରୀ ପହଁନ୍ତି ସ୍ଥିତି ଅନୁଧ୍ୟାନ କରିଛନ୍ତି ।
