ବାଲେଶ୍ୱର ( ଏଟିଆର ବ୍ୟୁରୋ): ଭାରସ୍ୟାମ ହରାଇ ଓଲଟିଲା ଗୋରୁ ବୋଝେଇ ଟ୍ରକ । ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅଲାଲପୁର ନିକଟରେ ୬୦ ନମ୍ବର ଜାତୀୟ ରାଜପଥରେ ଘଟିଛି ଏହି ଦୂର୍ଘଟଣା । ଦୂର୍ଘଟଣାରେ ୨୫ ଟି ଗୋରୁଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସୂଚନା ଅନୁସାରେ ଆଜି ସକାଳେ ଆଜି ସକାଳେ ଏକ ଗୋରୁ ବୋଝେଇ କଣ୍ଟେନର ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅଲାଲପୁର ନିକଟରେ ୬୦ ନମ୍ବର ରାଜ ପଥ ଉପରେ ଓଲଟି ପଡିଥିଲା ।
ଓଲଟି ପଡ଼ିବାରୁ ୨୫ଟି ଗୋରୁଙ୍କର ମୃତ୍ୟୁ ହେବା ସହିତ ୩୫ରୁ ଅଧିକ ଗୋରୁଙ୍କ ଅବସ୍ଥା ସଙ୍କଟାପନ୍ନ ରହିଛି। ଓଡିଶାରୁ ଟ୍ରକ ଯୋଗେ ପଶ୍ଚିମବଙ୍ଗକୁ ଏସବୁ ଗୋରୁଙ୍କୁ ଚାଲାଣ କରାଯାଉଥିଲା । ଟ୍ରକରେ ଓଭର ଲୋଡ ଗୋରୁ ରହିଥିବାରୁ ଟ୍ରକଟି ଭାରସ୍ୟାମ ହରାଇ ରାସ୍ଥା କଡକୁ ଓଲଟି ପଡିଥିଲା । ଦୁର୍ଘଟଣା ଘଟିବା ପରେ ଘଟଣାସ୍ଥଳରୁ ଡ୍ରାଇଭର୍ ଏବଂ ହେଲପର୍ ଫେରାର ହୋଇ ଯାଇଛନ୍ତି । ଘଟଣାକୁ ନେଇ ସେଠାରେ ଉତ୍ତେଜନା ଦେଖା ଯାଇଛି ।
ଜଳେଶ୍ୱର ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି । ତେବେ ଏହି ଗୋରୁ ସବୁ କେଉଁଠୁ ଆସୁଥିଲା ଏବଂ କିଏ ଆଣୁଥିଲା ତାହା ଏଯାବତ ଜଣା ପଡିନାହିଁ । ପୂର୍ବରୁ ମଧ୍ୟ ଉକ୍ତ ରାସ୍ତା ଦେଇ ଗୋରୁ ଚାଲାଣ କରାଯାଉଥିବା ବିଭିନ୍ନ ସଂଗଠନ ପକ୍ଷରୁ ଅଭିଯୋଗ କରଯାଇଥିଲା । ଜଲେଶ୍ୱର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
