ଭୁବନେଶ୍ୱର (ଏଟିଆର ବ୍ୟୁରୋ); ପ୍ରେମିକାକୁ ବିଭତ୍ସ ଭାବରେ ମାରି ମୁଣ୍ଡ ଗଣ୍ଡି ଅଲଗା କରି ଫୋପାଡି ଦେଲା ନୃଂଶସ ପ୍ରେମିକ । କଟା ମୁଣ୍ଡ ସ୍ଥାନୀୟ ମଳିପଡା ଜଙ୍ଗଲରେ ଫୋପାଡିଥିବା ବେଳେ ଗଣ୍ଡିକୁ ନେଇ ଚନ୍ଦକା ଜଙ୍ଗଲରେ ପକେଇଥିବା ଦେଖିବାକୁ ମିଳିଛି । ଏହି ଘଟଣା ସମ୍ପର୍କରେ ପୋଲିସ ସୂଚନା ପାଇବା ପରେ ଶବକୁ ଉଦ୍ଧାର କରିବା ସହ ଅଭିଯୁକ୍ତ ପ୍ରେମିକକୁ ଗିରଫ କରିଛି ପୋଲିସ । ଅଭିଯୁକ୍ତ ପ୍ରେମିକ ଏବଂ ମୃତ ପ୍ରେମିକା ଉଭୟ ସତ୍ୟବାଦୀ ଅଞ୍ଚଳର ।
ପୋଲିସ ରିପୋର୍ଟ ଅନୁଯାୟୀ ଗତ ୩ ଦିନ ହେବ ଯୁବତୀ ଜଣକ ନିଖୋଜ ଥିଲେ । ଏଣୁ ପରିବାର ପକ୍ଷରୁ ସତ୍ୟବାତୀ ଥାନାରେ ଏତଲା ଦେଇଥିଲେ । ଗୁରୁବାର ପୂର୍ବାହ୍ନରେ ଯୁବତୀଙ୍କ ମୃତ ଦେହ ମିଳିବା ପରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳି ଯାଇଥିଲା । ତେବେ ପରିବାର ପକ୍ଷରୁ ସତ୍ୟବାଦୀ ଏବଂ ଚନ୍ଦକା ଥାନାରେ ଦୁଷ୍କର୍ମ ଏବଂ ହତ୍ୟା ଅଭିଯୋଗରେ ଏତଲା ଦେଇଛନ୍ତି । ଏହି ଏତଲା ଆଧାରରେ ପୋଲିସ ଅଭିଯୁକ୍ତକୁ ଗିରଫ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
