ସୁନ୍ଦରଗଡ (ଏଟିଆର ବ୍ୟୁରୋ); ହାୱଡାରୁ ମୁମ୍ବାଇ କରାଯାଉଥିଲା ଚାଲାଣ । ତେବେ ଚାଇଲ୍ଡ କୌଣସି ବିଶେଷ ସୂତ୍ରରୁ ଖବର ପାଇବା ପରେ ଚଢ଼ାଉ କରିଥିଲା । ୯ଜଣ ନାବାଳିକା ଏବଂ ୨ଜଣ ନାବାଳକଙ୍କୁ ଉଦ୍ଧାର କରାଯାଇଛି । ଉଦ୍ଧାର ହୋଇଥିବା ନାବାଳକ ଏବଂ ନାବାଳିକାମାନେ ଚାଇଲ୍ଡ ଲାଇନ ହେପାଜତରେ ଅଛନ୍ତି । ଏହି ଘଟଣାରେ ଦୁଇ ଜଣଙ୍କୁ ମଧ୍ୟ ଅଟକ ରଖି ପଚରା ଉଚରା କରାଯାଉଥିବା ସୂଚନା ମିଳିଛି ।
ଶୁକ୍ରବାର ଅପରାହ୍ନରେ ରାଉରକେଲା ଷ୍ଟେସନରେ ଜିଆରପି ଏବଂ ଚାଇଲ୍ଡ ଲାଇନ ଉଭୟ ମିଳିତ ଭାବରେ ଚଢ଼ାଉ କରିଥିଲେ । ଗୀତାଞ୍ଜଳି ଏକ୍ସପ୍ରେସରେ ଏହି ସେମାନଙ୍କୁ ଚାଲାଣ କରାଯାଉଥିଲା । ତେବେ ଉଦ୍ଧାର ହୋଇଥିବା ନାବାଳକ ଏବଂ ନାବାଳିକାମାନେ ବିହାରର କଟିହାରରେ ବୋଲି ଜଣା ପଡିଛି । ପୋଲିସର ତଦନ୍ତ ଜାରି । ତେବେ ଦୁଇ ଜଣ ଦଲାଲଙ୍କୁ ମଧ୍ୟ ଅଟକ ରଖାଯାଇଛି । କେଉଁଠାକୁ ଏବଂ କେଉଁ କାମ ପାଇଁ ନିଆଯାଉଥିଲା ସେ ସମ୍ପର୍କରେ ପଚରା ଉଚରା କରାଯାଉଛି ।
