ପୁରୀ (ଏଟିଆର ବ୍ୟୁରୋ); ପୋଲିସର ବଡ ସଫଳତା । ପୁରୀ ଏବଂ ବ୍ରହ୍ମଗିରି ଅଞ୍ଚଳରେ ଦୀର୍ଘ ଦିନ ହେବ ବାଇକ ଚୋରୀ କରୁଥିବା ଏକ ଲୁଟେରା ଗ୍ୟାଙ୍ଗକୁ ଧରିଛି ପୁଲିସ । ଜଣଙ୍କ ଲୁଟେରାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସେମାନଙ୍କ ପାଖରୁ ୩୩ଟି ଚୋରୀ ବାଇକ ଜବତ କରିଛି ପୁଲିସ । ତେବେ ଅଭିଯୁକ୍ତ ମାନେ ହେଲେ ଦୀପକ କୁମାର ସାହୁ(୨୨), ତପନ କୁମାର ସାହୁ(୨୨), ଲିଙ୍ଗରାଜ ପ୍ରଧାନ(୨୭), ରାକେଶ ପ୍ରଧାନ(୨୨), ବିଘ୍ନେଶ ପ୍ରଧାନ(୨୪), ସୁମନ୍ତ ମାଝୀ(୧୯), ଦୀପକ ପ୍ରଧାନ(୩୮) ଓ ସୁନୀଲ କୁମାର ପ୍ରଧାନ(୨୪)।
କିଛି ଦିନ ହେବ ଏହି ଗ୍ୟାଙ୍ଗ ସ୍ଥାନୀୟ ପୁରୀ ଏବଂ ବ୍ରହ୍ମଗିରି ଅଞ୍ଚଳରୁ ବାଇକ ଆଖି ପିଛୁଳାକେ ନେଇ ଯାଉଥିଲେ । ବାରମ୍ବାର ଏତଲା ଦେବା ପରେ ଏକ ସ୍ପେସାଲ ଡ୍ରାଇଭ ଗଠନ କରାଗଲା । ଏବଂ ଏହି ସ୍କ୍ୱାର୍ଡ ଚୋରଙ୍କ ଉପରେ ନଜର ରଖିଥିଲା । ଏବଂ ଏବେ ସଫଳ ପାଇଲା ବୋଲି ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ଆଇଜି ଜି.ସୌମେନ୍ଦ୍ର ପ୍ରିୟଦର୍ଶୀ । ପୋଲିସର ଏହି ସଫଳତାକୁ ବେଶ ପ୍ରଂଶସା କରିଛନ୍ତି ସାଧାରଣ ଲୋକ । ବିଭିନ୍ନ ଦିଗରୁ ମଧ୍ୟ ପ୍ରଂଶସାର ସୁଅ ଛୁଟିଥିବା ଦେଖିବାକୁ ମିଳିଛି । ତେବେ ଏହି ବାଇକ ଚୋରୀ ମାମଲା ୧୩ଟି ଥାନାରେ ରୁଜୁ ହୋଇଛି । ଯେଉଁ ମାନଙ୍କର ବାଇକ ଚୋରୀ ହୋଇଛି ସେମାନେ ଥାନାରେ ଗାଡି ଡକ୍ୟୁମେଣ୍ଟ ଏବଂ ପରିଚୟପତ୍ର ଦେଖାଇ ନେଇପାରିବେ ।
