ବାଲେଶ୍ୱର (ଏଟିଆର ବ୍ୟୁରୋ); କିଛିଦିନ ଧରି ଜଙ୍ଗଲରୁ ଶିକାର କରୁଥିଲେ ଦୁଇ ଶିକାରୀ । ଜଙ୍ଗଲର ବହୁ ମୂଲ୍ୟବାନ ପଶୁଙ୍କୁ ମାରି ବେପାର ମଧ୍ୟ କରୁଥିଲେ । ତେବେ ସେମାନଙ୍କ ବିରୋଧରେ ଅଭିଯୋଗ ହେବା ପରେ ବନ ବିଭାଗ ଚଢ଼ାଉ କରି ଦୁଇଜଣ ଶିକାରୀଙ୍କୁ ଗିରଫ କରିଛନ୍ତି । ଏମାନେ ବାଲେଶ୍ୱର ଜିଲ୍ଲା କୁଲଢ଼ିଆ ଅଭୟାରଣ୍ୟ ଭାଲିଆପୋଷି ଗାଁରେ ରହୁଥିଲେ । ବନ ବିଭାଗ ଏମାନଙ୍କ ଘରୁ ହରିଣ ଛାଲ,ଶିଙ୍ଗ ଏବଂ ଦୁଇଟି ବନ୍ଧୁକ ଜବତ କରିଛି ।
ମିଳିଥିବା ସୂଚନା ମୁତାକବ ଏହି ଦୁଇଜଣ ଶିକାରୀ କିଛିଦିନ ପୂବେ ମୟୁରଭଞ୍ଜରୁ ଆସି ଭାଲିଆପୋଷି ଅଞ୍ଚଳରେ ଏକ ଅସ୍ଥାୟୀ ଘର ତିଆରି କରି ରହୁଥିଲେ । ଜଙ୍ଗଲରୁ ପ୍ରତ୍ୟେକ ଦିନ ଶିକାର କରି ଏମାନେ ଚଳଥିଲେ । ତେବେ ସ୍ଥାନୀୟ ଲୋକ ଅଭିଯୋଗ କରିବା ପରେ ଆଜି ବନ ବିଭାଗ ତାଙ୍କ ଘରେ ଚଢ଼ାଉ କରିଥିଲା । ବନ ବିଭାଗ ଏମାନଙ୍କ ଘରୁ ହରିଣ ଛାଲ,ଶିଙ୍ଗ ଏବଂ ଦୁଇଟି ବନ୍ଧୁକ ଜବତ କରିଛି ।
