ଜୟପୁର ( ଏଟିଆର ବ୍ୟୁରୋ): ଜୟପୁର ହାତୀବାରିରେ ଘଟିଛି ଏକ ଅଭାବନୀୟ ଘଟଣା । ଗଛରୁ ଉଦ୍ଧାର ହେଲା ଜଣେ ବ୍ୟକ୍ତଙ୍କ ମୃତଦେହ । ହତ୍ୟା ହେଉଥିବା କରାଯାଉଛି ସନ୍ଦେହ । ଏମିତି ଏକ ଅଭାବନୀୟ ଘଟଣା ଘଟିଛି ଜୟପୁର ହାତୀବାରିରେ । ପିତାମ୍ବର ବେଉର ନାମକ ଜଣେ ବ୍ୟକ୍ତଙ୍କର ମୃତ ଦେହ ଏକ ଗଛରେ ଝୁଲୁଥିବା ଦେଖା ଦେଇଛି । ମୃତକ ପିତାମ୍ବର ଇରିଗେସନ କଲୋନୀର ବୋଲି ଜଣାପଡିଛି ।
ତେବେ ପିତାମ୍ବର ସେଠାକୁ କେମିତି ଗଲେ ଓ କାହିଁକି ଯାଇଥିଲେ ତାହା ଏଯାବତ ସ୍ପଷ୍ଟ ହୋଇନାହିଁ । ଆଜି ଗ୍ରାମର କିଛି ଲୋକ ପତ୍ର ତୋଳିବାକୁ ଗଲା ବେଳେ ସେଠାରେ ତାଙ୍କ ଶବ ଝୁଲୁଥିବା ସେମାନେ ଦେଖିଥିଲେ । ଗ୍ରାମବାସୀ ଏନେଇ ପୁଲିସରେ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ଶବ ଉଦ୍ଧାର କରି ଶବ ବ୍ୟବଛେଦ ପାଇଁ ପଠାଇଛି । ତେବେ ଘଟଣାକୁ ନେଇ ପୋଲିସ ଅଧିକ ତଦନ୍ତ ଚଳାଇଛି ।
ସବୁଠାରୁ ବଡ ପ୍ରଶ୍ନ ହେଉଛି ପିତାମ୍ବର ଜଙ୍ଗଲ ମଧ୍ୟକୁ କାହିଁକି ଯାଇଥିଲେ । ନାଁ ତାଙ୍କୁ କେହି ଡାକି ମାରି ଗଛରେ ଟାଙ୍ଗି ଦେଇଛି । ତେବେ ଏ ବିଷୟରେ ପରିବାର ଲୋକଙ୍କ ଠାରୁ କୌଣସି ପ୍ରତିକ୍ରିୟା ମିଳିପାରି ନାହିଁ । ତିନିଦିନ ତଳୁ ପିତାମ୍ବର ନିରୁଦ୍ଦିଷ୍ଟ ଥିଲେ । ଏ ସଂକ୍ରାନ୍ତରେ ତାଙ୍କ ପରିବାର ଲୋକେ ଥାନାରେ ଏକ ଏତଲା ମଧ୍ୟ ଦେଇଥିଲେ । ତେବେ ପୂର୍ବ ଶତୃତାକୁ ନେଇ ପିତାମ୍ବରକୁ କେହି ହତ୍ୟା କରିଥିବା ସନ୍ଦେହ କରାଯାଉଛି ।
