ଭୁବନେଶ୍ୱର,(ଏଟିଆର ବ୍ୟୁରୋ): ହଳଦୀପଡିଆ ବସ୍ତିରେ ଅଚାନକ ପୁଣି ଚଢ଼ାଉ କରିଛି ଲକ୍ଷ୍ମୀସାଗର ଥାନା ପୁଲିସ । ଘଟଣାରେ ୨ଜଣଙ୍କୁ ଗିରଫ କରିବା ସହ ସେମାନଙ୍କ ପାଖରୁ ୩୦ ଗ୍ରାମ ବ୍ରାଉନସୁଗର ଜବତ କରିଛି ।
ଗିରଫ ଅଭିଯୁକ୍ତଦ୍ୱୟ ହେଲେ ସୋନୁ ଖାନ ଓରଫ ସେକ ଆଲାଉଦ୍ଦିଦ ଓ ଅଜିତ ବେପାରୀ ଓରଫ ଟ୍ୟାବଲେଟ । ଢ଼େରଦିନ ହେବ ଉଭୟ ଚୋରା କାରବାର କରୁଥିବା ନେଇ ଅଭିଯୋଗ ଉଠିଥିଲା । ଅପରାହ୍ଣରେ ପୁଲିସ ଅଚାନନକ ବସ୍ତି ଉପରେ ଚଢାଉ କରିଥିଲା । ଚଢ଼ାଉରେ ଉଭୟଙ୍କ ପାଖରୁ ୪ଟି ମୋବାଇଲ ସମେତ ନଗଦ ୨ହଜାର ୪ଶହ ୯୦ଟଙ୍କା ପୁଲିସ ଜବତ କରିଛି । ପ୍ୟାକେଟରେ ଭର୍ତି କରି ବିକ୍ରି ହେଉଥିବା ବ୍ରାଉନସୁଗର ମଧ୍ୟ ପୁଲିସ ହାତରେ ଲାଗିଛି ।
