ପୁରୀ (ଏଟିଆର ବ୍ୟୁରୋ); ସମ୍ପର୍କ ଦେଖିଲାନି ଭାଇ । ସାମାନ୍ୟ ସମ୍ପତି ଲୋଭରେ ବଡଭାଇକୁ ମାରିଦେଲା ସାନ । ନୃଂଶସ ଭାବରେ ଇଟାରେ ଛେଚି କଲା ହତ୍ୟା । ତେବେ ପାପ ପାତାଳରୁ ଫୁଟି ବାହାରିବା ଭଳି ସତକଥା ବାହାରି ପଡିଛି । ଏବଂ ଧରା ପଡିଛି ଅଭିଯୁକ୍ତ । ପୁରୀ ଟାଉନ ଥାନା ଚୁଡଙ୍ଗସାହି ଖୁଣ୍ଟିଆ ବଗିଚାଠାରେ ଉମାଶଙ୍କରଙ୍କ ହତ୍ୟାକାରୀ ହେଉଛନ୍ତି ତାଙ୍କ ନିଜ ସାନଭାଇ । ପୋଲିସ ତଦନ୍ତ କରି ଅଭିଯୁକ୍ତକୁ ଗିରଫ କରିଛି ।
ଗତକାଲି ରାତି ୨ଟାରୁ ୩ଟା ଭିତରେ ଉମାଶଙ୍କରଙ୍କୁ ତାଙ୍କ ସାନଭାଇ ମାରି ଦେଇଥିଲା । ସେ ଗାଁମୁଣ୍ଡରେ ଥିବା ଏକ କ୍ୟାବିନରେ ଶୋଇଥିବା ବେଳେ ଇଟାରେ ଛେଚି ହତ୍ୟା କରିଥିଲା । ଏହାପରେ ଚାଲାକ କରି ପୁଣିଥରେ ଘରେ ଶୋଇ ପଡିଥିଲା । ତେବେ ପୋଲିସ ତଦନ୍ତ ପରେ ଅଭିଯୁକ୍ତ ଧରା ହୋଇଛି । ମୃତଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଯାଇଛି । ରକ୍ତଭିଜା ଇଟାକୁ ମଧ୍ୟ ଜବତ କରିଛି ପୋଲିସ ।
ସୂଚନାଯୋଗ୍ୟ,ପାରିବାରିକ ଗଣ୍ଡଗୋଳ କାରଣରୁ ଉମାଶଙ୍କର ଘର ଛାଡି କ୍ୟାବିନରେ ରହୁଥିଲେ । ଆଜି ସକାଳେ ସ୍ଥାନୀୟ ଲୋକ ତାଙ୍କ ମୃତ ଦେହ ପଡିଥିବା ଦେଖିଥିଲେ । ଏହାପରେ ସେମାନେ ପୋଲିସକୁ କବର ଦେଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଥିଲା । ତେବେ ପାରିବାରିକ କଳହରୁ ଏଭଳି ହୋଇଥିବା ସ୍ଥାନୀୟ ଲୋକ ପ୍ରଥମରୁ କହିଥିଲେ ।
