ସୁବର୍ଣ୍ଣପୁର (ଏଟିଆର ବ୍ୟୁରୋ); ପୂର୍ବ ଶତ୍ରୁତାକୁ କେନ୍ଦ୍ର କରି ସଂଘବଦ୍ଧ ହୋଇ ଯୁବକଙ୍କୁ ଠେଙ୍ଗାରେ ପିଟି ମାରିଦେଲେ । ସୁବଣ୍ଣପୁର ଜିଲ୍ଲା ବୀରମହାରାଜପୁର ବ୍ଳକ ସୁବଳୟା ଥାନା ଳୁତୁରପଙ୍କ ବାବୁପାଲିରେ ଘଟିଛି ଏଭଳି ଅଭାବନୀୟ ଘଟଣା । ମୃତ ଯୁବକ ହେଲେ ମକାରୁ ଥପା । ପୋଲିସ ଖବର ପାଇବା ପରେ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି । ଏହି ଘଟଣାରେ ତିନିଜଣଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ । ଘଟଣାର ତଦନ୍ତ ଜାରି ।
ମିଳିଥିବା ସୂଚନା ମୁତାବକ ରବିବାର ସକାଳ ୧୦ଟା ବେଳେ ଗାଁ ସ୍କୁଲ ପଡିଆରେ ମକାରୁ ଏବଂ ଅଭିଯୁକ୍ତଙ୍କ ମଧ୍ୟରେ କୌଣସି କାରଣରୁ ଯୁକ୍ତିତର୍କ ହୋଇଥିଲା । ପରେ ଏହା ଉଗ୍ରରୂପ ନେଇଥିଲା । ଅଭିଯୁକ୍ତ ତିନିଜଣ ସଂଘବଦ୍ଧ ଭାବରେ ଠେଙ୍ଗାରେ ମକାରୁଙ୍କୁ ଆକ୍ରମଣ କରିଥିଲେ । ସେମାନେ ମକାରୁଙ୍କୁ ଠେଙ୍ଗାରେ ଏତେ ଜୋରରେ ପ୍ରହାର କରିଥିଲେ ଯେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ପରେ ପୋଲିସକୁ ଖବର ଦେଇଥିଲେ ଗାଁଲୋକ । ପୋଲିସ ଘଟଣାସ୍ଥଳରେ ପହଁଞ୍ଚି ଅଭିଯୁକ୍ତ ୩ଜଣଙ୍କୁ ଗିରଫ କରିଥିଲା । ମୃତଦେହକୁ ଉଦ୍ଧାର କରି ବ୍ୟବଛେଦ ପାଇଁ ମଧ୍ୟ ପଠାଯାଇଛି । ଘଟଣାର ତଦନ୍ତ ଜାରି କରିଛି ପୋଲିସ । ମକାରୁଙ୍କୁ ମୃତ୍ୟୁ ପରେ ଗାଁରେ ଉତେଜନା ଦେଖାଦେଇଥିଲା । ତାଙ୍କ ପରିବାର ଲୋକ ଦୁଃଖରେ ଭାଙ୍ଗି ପଡିଛନ୍ତି ।
