ଢ଼େଙ୍କାନାଳ (ଏଟିଆର ବ୍ୟୁରୋ); ପୁଣି ଅଲୋଡା ହେଲା ଶିଶୁକନ୍ୟା । ଢ଼େଙ୍କାନାଳ ତେଲ ମାଇଲ ସ୍ଥିତ ଜୋରନ୍ଦା ରେଡିଓ ଷ୍ଟେସନ ଉଦ୍ଧାର ହୋଇଛି ନବଜାତ ଶିଶୁକନ୍ୟା । ସ୍ଥାନୀୟ ଲୋକ ଶିଶୁକୁ ଉଦ୍ଧାର କରି ଜୋରନ୍ଦା ମେଡିକାଲରେ ଭର୍ତ୍ତି କରିଛନ୍ତି । ତେବେ କିଏ ଏବଂ କାହିଁକି ଫୋପାଡି ଚାଲି ଯାଇଛି ତାହା ଜଣା ପଡିନାହିଁ । ଏହି ଖବରକୁ ନେଇ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି ।
ବୁଧବାର ସକାଳେ ରେଡିଓ ଷ୍ଟେସନର ରେଷ୍ଟ ହାଉସ ନିକଟରୁ ଏକ ନବଜାତ ଶିଶୁକନ୍ୟା କାନ୍ଦୁଥିବା ଶୁଣିବାକୁ ପାଇଥିଲେ ସ୍ଥାନୀୟ ଲୋକ । ଏହାପରେ ସେମାନେ ସେଠାକୁ ଯାଇ ଶିଶୁକୁ ଉଦ୍ଧାର କରିଥିଲେ । ଅଙ୍ଗନୱାଡି କର୍ମୀ ଏବଂ ଆଶା ଦିଦିଙ୍କୁ ଡକାଇ ଶିଶୁର ସ୍ୱାସ୍ଥ୍ୟ ପରୀକ୍ଷା କରିଥିଲେ । ଏହାପରେ ଶିଶୁକୁ ସେମାନେ ଜୋରନ୍ଦା ମେଡିକାଲରେ ଭର୍ତ୍ତି କରିଥିଲେ । ଏବେ ଶିଶୁଟିର ସ୍ୱାସ୍ଥ୍ୟ ଅବସ୍ଥା ଭଲ ଥିବା ଡାକ୍ତରଙ୍କ ପକ୍ଷରୁ ସୂଚନା ମିଳିଛି ।
ତେବେ ଏହି ଶିଶୁକନ୍ୟା ଉଦ୍ଧାର ହେବା ପରେ ସା୍ଥନୀୟ ଅଞ୍ଚଳରେ ଚର୍ଚ୍ଚା ଆରମ୍ଭ ହୋଇଛି । କେହି ଝିଅ ଭାବି ଛାଡି ଚାଲି ଯାଇଥିବା କହୁଥିବା ବେଳେ ଆଉ କେହି କେହି କହୁଛନ୍ତି କି କୁଆଁରୀ ମା କେହି ଏପରି କରିଛି । ଏଭଳି ବିଭିନ୍ନ ପ୍ରକାର ଟୁପୁରୁ ଟାପୁରୁ ହେଉଥିବା ଶୁଣିବାକୁ ମିଳୁଛି ।
