ବାଲେଶ୍ୱର (ଏଟିଆର ବ୍ୟୁରୋ); ପୂର୍ବ ଶତୃତାକୁ କେନ୍ଦ୍ରକରି ଗାଁରେ ରାସ୍ତା କାମ ଚାଲଉଥିବା ବେଳେ ଦୁଇ ଭାଇଙ୍କ କୋଦାଳରେ ହାଣି ପକାଇଲେ ଯୁବକ । ତେବେ ଏଭଳି ଆକ୍ରମଣାତ୍ମକ ଘଟଣା ଘଟିଛି ବାଲେଶ୍ୱର ଜିଲ୍ଲା ବାଲିଆପାଳ ବ୍ଳକ କଚୁଆପଡା ଗାଁରେ । ଆହତ ହୋଇଥିବା ଦୁଇ ଭାଇ ହେଲେ ଶ୍ରୀକାନ୍ତ ରଣା ଏବଂ ପ୍ରସାନ୍ତ ରଣା । ସେମାନଙ୍କୁ ଆକ୍ରମଣ କରିଥିବା ଯୁବକ ହେଲେ ପ୍ରସାନ୍ତ ବେହେରା । ଦୁଇ ଭାଇଙ୍କୁ ହାଣିବା ପରେ ଫେରାର ହୋଇଯାଇଛି ପ୍ରସାନ୍ତ । ଥାନରେ ଏତଲା ଦେବା ପରେ ପ୍ରସାନ୍ତକୁ ଖୋଜୁଛି ପୋଲିସ ।
ମିଳିଥିବା ସୂଚନା ମୁତାବକ ପ୍ରସାନ୍ତ ବେହେରାଙ୍କ ଦୁଇ ଭାଇଙ୍କ ସହିତ ଜମିଜମା ମାମଲାକୁ ନେଇ କନ୍ଦଳ ଲାଗି ରହିଥିଲା । ତେବେ ଗାଁରେ ରାସ୍ତା କାମ ଚାଲୁଥିବା ବେଳେ ଦୁଇ ଭାଇଙ୍କ ସହ ପ୍ରସାନ୍ତର ଝଗଡା ହୋଇଥିଲା । ପରେ ଏହି ଗଣ୍ଡଗୋଳ ଉଗ୍ରରୂପ ନେଇଥିଲା । ପ୍ରସାନ୍ତର ମୁଣ୍ଡକୁ ପିତ ଚଢ଼ିଯାଇଥିଲା । ଏବଂ ସେ କାମ ହେଉଥିବା କୋଦାଳରେ ଦୁଇ ଭାଇଙ୍କୁ ଆକ୍ରମଣ କରିଥିଲା । ଏବଂ ଏହାପରେ ସେଠାରୁ ଫେରାର ହୋଇଯାଇଛି ।
ଗାଁଲୋକ ଦୁଇ ଭାଇଙ୍କୁ ଉଦ୍ଧାର କରି ବାଲିଆପାଳ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଏବେ ଦୁଇ ଭାଇ ସୁସ୍ଥ ଅଛନ୍ତି । ତେବେ ସେମାନେ ଥାନାରେ ଏତଲା ଦେବା ପରେ ପୋଲିସ ତଦନ୍ତ ଆରମ୍ଭ କରିଛି ।
