ଜଗତସିଂହପୁର ( ଏଟିଆର ବ୍ୟୁରୋ): ଜଗତସିଂହପୁର ଜିଲ୍ଲାରେ ଦିନକୁ ଦିନ ଚୋରା ମଦ କାରବାର ବଢିବାରେ ଲାଗିଛି । ପ୍ରଶାସନ ପକ୍ଷରୁ ବାରମ୍ବାର ଚଢାଉ କରାଯାଉଥିଲେ ମଧ୍ୟ ଚୋରା ବେପାରୀଙ୍କୁ କାବୁ କରି ହେଉନି । ଆଜି ଏକ ବୋଲେର ଗାଡିରୁ ପୋଲିସ ୫୦ ପେଟି ଚୋରା ମଦ ଜବତ କରିଛି । ଜଗତସିଂହପୁର ଜିଲ୍ଲା ନାଉଗାଁ ଥାନା ଅନ୍ତର୍ଗତ ଗୋଠଦା ମଠ ନିକଟରୁ ବିପୁଳ ପରିମାଣର ମଦ ଜବତ ହୋଇଛି । ପୋଲିସ ବୋଲେରୋ ସହ ୫୦ରୁ ଅଧିକ ଦେଶୀ ଓ ବିଦେଶୀ ମଦ ପେଟି ଜବତ କରିଛି ।
ସୂଚନା ମୁତାବକ ବୋଲେରୋରେ ମଦ ଚୋରା ଚାଲାଣ ହେଉଥିବା ନେଇ କୌଣସି ସୁତ୍ରରୁ ଖବର ନାଉଗାଁ ଥାନା ପୋଲିସ ଖବର ପାଇଥିଲା । ଖବର ପାଇବା ପରେ ପୋଲିସ ଗାଡିକୁ ଜବତ କରିବା ପାଇଁ ଜଗି ରହିଥିଲା । ତେବେ ଏନେଇ କୌଣସି ସୂତ୍ରରୁ ଡ୍ରାଇଭରକୁ ଖବର ମିଳିଯାଇଥିଲା । ଖବର ପାଇବା ପରେ ଡ୍ରାଇଭର ଗୋଠଦା ନିକଟରେ ଗାଡି ଥୋଇ ଦେଇ ଫେରାର ହୋଇ ଯାଇଥିଲା ।
ପୁଲିସକୁ ଏନେଇ ଖବର ମିଳିବା ପରେ ପୋଲିସ ଗୋଠଦାରେ ପହଞ୍ଚି ଥିଲା । ଘଟଣା ସ୍ଥଳରୁ ପୋଲିସ ବୋଲେରୋ ସହ ୫୦ରୁ ଅଧିକ ଦେଶୀ ଓ ବିଦେଶୀ ମଦ ପେଟି ଜବତ କରିଛି। ତେବେ ପୋଲିସ ଏଥିରେ କାହାର ସମ୍ପର୍କ ରହିଛି ତାହା ସ୍ପଷ୍ଟ ହୋଇ ନାହିଁ । ପୋଲିସ ଗାଡି ଜବତ କରି ଅଧିକ ତଦନ୍ତ ଆରମ୍ଭ କରିିଛି ।
