ମୟୂରଭଞ୍ଜ (ଏଟିଆର ବ୍ୟୁରୋ); ଚୋରୀ କରିବା ପାଇଁ ଘରେ ପଶିଥିଲା । କିନ୍ତୁ ଚାଲାକ କରି ଘର ମାଲିକ ଜାଣିବା ପରେ ଚୋରକୁ କାବୁ କରିନେଇଥିଲେ । ପରେ ଗାଁଲୋକ ଚୋରକୁ ଇଲେକ୍ଟ୍ରି ଖୁଣ୍ଟରେ ବାନ୍ଧି ମନଇଛା କୁଟିଥିଲେ । ପୋଲିସ ଖବର ପାଇବା ପରେ ଚୋରକୁ ଉଦ୍ଧାର କରି ଥାନାକୁ ନେଇଛି । ଘଟଣାର ତଦନ୍ତ ଜାରି । ମୟୂରଭଞ୍ଜ ଜିଲ୍ଲା ଉଦଳା ଥାନା ଅଞ୍ଚଳରେ ଦେଖିବାକୁ ମିଳିଥିଲା ଏଭଳି ଘଟଣା । ମାଡ ଖାଇଥିବା ଚୋର ହେଲା ବଡଖମଣ ଉଠାଣୀସାହିର ମୁନା ସିଂ ।
ମୁନା ଚୋରୀ କରିବା ପାଇଁ ଉଦଳା ଥାନାଠାରୁ ମାତ୍ର ୧୦୦ ମିଟର ଦୂରରେ ଥିବା ଜଣେ ବ୍ୟକ୍ତିଙ୍କ ଘରେ ପଶି ଚୋରୀ କରିବା ପାଇଁ ଚେଷ୍ଟା କରିଥିଲା । ତେବେ ଚୋରୀ କରିବା ପୂର୍ବରୁ ଧରା ପଡିଯାଇଥିଲା ମୁନା । ଏହାପରେ ସେମାନେ ତାକୁ ଇଲେକ୍ଟ୍ରି ଖୁଣ୍ଟରେ ବାନ୍ଧି ମନଇଛା ମାଡ ମାରିଥିଲେ । ତେବେ ପୋଲିସ ଖବର ପାଇବା ପରେ ଉତ୍ୟକ୍ତ ଲୋକଙ୍କ କବଳରୁ ମୁନାକୁ ଉଦ୍ଧାର କରି ଥାନାକୁ ନେଇଛି । ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
