ଗଞ୍ଜାମ ( ଏଟିଆର ବ୍ୟୁରୋ): ପୋଖରୀକୁ ଗାଧୋଇବାକୁ ଯାଇଥିଲେ । ଚାଲିଗଲା ଜୀବନ । କଳା ମୁଖା ପିନ୍ଧି ଆସିଥିବା ତିନି ଯୁବକ ନେଲେ ଜୀବନ । କାଲି ନିଜେ ଗାଧୋଇବାକୁ ଯାଇଥିଲେ ଆଜି ପରିବାର ତାଙ୍କ ପାଇଁ ଗାଧୋଇବେ । ଏମିତି ଏକ ଘଟଣା ଘଟିଛି ଜଗନ୍ନାଥ ଥାନା ଅଲାଡି ଗ୍ରାମରେ । ଗ୍ରାମର ଦିନବନ୍ଧୁ ସ୍ୱାଇଁ ନାମକ ଜଣେ ଯୁବକ ରାତିରେ ପୋଖରୀକୁ ଗାଧୋଇବାକୁ ଯାଇଥିବା ବେଳେ ପୋଖରୀ ତୁଠରେ ତାଙ୍କ ଉପରେ ହୋଇଥିଲା ଆକ୍ରମଣ
। ତିନି ଜଣ ଯୁବକ କଳା ମୁଖା ପିନ୍ଧି ଖଣ୍ଡାରେ ତାଙ୍କ ଉପରେ କରିଥିଲେ ଆକ୍ରମଣ । ଫଳରେ ସେ ଗୁରୁତର ହେବାରୁ ତାଙ୍କୁ ତାଙ୍କ ଭାଇ ଓ ଶଳା ଜଗନପ୍ନାଥ ପ୍ରସାଦ ମେଡିକାଲକୁ ଅଣିଥିଲେ । ପରେ ସେଠାରେ ହାକ୍ତର ତାଙ୍କୁ ମୃତ ଘୋଷଣା କରିଥିଲେ । ଡାକ୍ତରଖାନାରେ ପୋଲିସ ପହଞ୍ଚି ଶବ ବ୍ୟବଛେଦ ପାଇଁ ପଠାଇଛି । ପାରିବାରିକ ଶତୃତାରୁ ଏପରି ହୋଇଥିବା ସନ୍ଦେହ କରାଯାଉଛି ।
ସୂଚନାଯୋଗ୍ୟେ ଦିନବନ୍ଧୁ ଏଇ ନିକଟରେ ୧୩ ତାରିଖରେ ବିବାହ କରିଥିଲେ । ସଂସାର କଣ ଜାଣିବା ପୂର୍ବରୁ ନବବିବାହିତ ବୋହୂର ସିନ୍ଥି ହେଲା ଖାଲି । ବାହା କୁଣିଆ ଘରୁ ଯାଇ ନଥିବା ବେଳେ ଏବେ କାନ୍ଦରେ ଫାଟି ପଡୁଛି ଘର । ଆକ୍ରମଣରେ ତାଙ୍କ ଗୋଡ ସମ୍ପୂର୍ଣ୍ଣ ନଷ୍ଟ ହୋଇ ଯାଇଛି । ଯୋଉ ଘଟଣାକୁ ନେଇ ଏବେ ସାରା ଗ୍ରାମରେ ଶୋକର ବାତାବରଣ ସୃଷ୍ଟି ହୋଇଛି । ଘଟଣା ସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।
