ନୂଆଦିଲ୍ଲୀ (ଏଟିଆର ବ୍ୟୁରୋ): ପୁଣି ଥରେ ଜାତୀୟ ପୁରସ୍କାରରେ ପୁରସ୍କୃତ ହେଲା କ୍ୟାପିଟାଲ ରିଜିଅନ ଅର୍ବାନ ଟ୍ରାନ୍ସପଟ (କ୍ରୁଟ) । ରାଜ୍ୟରେ ମୋ ବସ୍ ସେବା ନିମନ୍ତେ କ୍ରୁଟକୁ ଜାତୀୟ ପୁରସ୍କାର ପ୍ରଦାନ କରାଯାଇଛି । ସହରାଞ୍ଚଳରେ ପରିବହନ ପ୍ରକଳ୍ପ କାର୍ଯ୍ୟକାରୀରେ ସଫଳତା ହାସଲ କରିବାରୁ ଏହି ପୁରସ୍କାର ଦିଆଯାଇଛି । ଗତକାଲି ନୂଆଦିଲ୍ଲୀରେ ଆୟୋଜିତ ଏକ ଅର୍ବାନ ମୋବିଲିଟି ଇନିସିଟିଭ ସମ୍ମିଳନୀରେ କ୍ରୁଟକୁ ପୁରସ୍କୃତ କରାଯାଇଛି ।
ଦିଲ୍ଲୀର ସୁଷମା ସ୍ୱରାଜ ଭବନଠାରେ କେନ୍ଦ୍ର ଗୃହ ଓ ନଗର ବ୍ୟାପାର ଏବଂ ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ , କ୍ରୁଟ ର ଜେନେରାଲ ମ୍ୟାନେଜର ଦୀପ୍ତି ମହାପାତ୍ରଙ୍କୁ ଏହି ପୁରସ୍କାର ପ୍ରଦାନ କରିଥିଲେ । ଏହି ଅବସରରେ କୋଭିଡ ସମୟରେ ଲୋକଙ୍କୁ କିଭଳି ଭାବେ ମୋ ବସ ସେବା ଯୋଗାଯାଇଛି ସେ ବିଷୟରେ ଦୀପ୍ତି ମହାପାତ୍ର କହିଥିଲେ ।
