କଟକ(ଏଟିଆର ବ୍ୟୁରୋ): ପଞ୍ଚଭୂତରେ ବିଲୀନ ହେଲେ ବିଶିଷ୍ଟ ସମାଜସେବୀ ପଦ୍ମଶ୍ରୀ ଡି. ପ୍ରକାଶ ରାଓ । କଟକ କାଳିଆବୋଦା ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି ।ଝିଅ ଡି ଭାନୁପ୍ରିୟା ମୁଖାଗ୍ନି ଦେଇଛନ୍ତି । ଡି. ପ୍ରକାଶ ରାଓଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ,ଗୃହମନ୍ତ୍ରୀ ଅମିତ ଶାହାଙ୍କ ସମେତ ରାଜ୍ୟପାଳ ପ୍ରଫେସର ଗଣେଶ ଲାଲ , ଓ କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ ଗଭୀର ଶୋକପ୍ରକାଶ କରିଛନ୍ତି ।
ଗତକାଲି ଅପରାହ୍ନରେ କଟକ ବଡ ମେଡିକାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ବିୟୋଗ ହୋଇଛି । ଡି. ପ୍ରକାଶ କରୋନା ରେ ଆକ୍ରାନ୍ତ ହେବା ସହ ସେ ଦୁଇଥର ହୃଦଘାତର ଶିକାର ହୋଇଥିଲେ । ଏବଂ କିଛି ଦିନ ତଳେ ସେ କରୋନାରୁ ଆରୋଗ୍ୟ ଲାଭ କରିଥିଲେ । କିନ୍ତୁ ପୁଣି ଥରେ ତାଙ୍କର ସ୍ୱାସ୍ଥ୍ୟବସ୍ଥାରେ ଗୁରୁତର ହେବାରୁ ତାଙ୍କୁ ସେଣ୍ଟ୍ରାଲ ଆଇସିୟୁକୁ ସ୍ଥାନାନ୍ତର କରାଯାଇଥଲା ।ଡାକ୍ତରଙ୍କ ସତ ଚେଷ୍ଟା ପରେ ଭି ସେ ତାଙ୍କୁ ବଂଚାଇ ପାରିନ ଥିଲେ ।
ତାଙ୍କର ସମାଜ ସେବା ପାଇଁ ସେ ସାରା ଦେଶ ତଥା ବିଦେଶରେ ମଧ୍ୟ ବେଶ ପରିଚିତ ଥିଲେ । ପଦ୍ମ ଶ୍ରୀଙ୍କ ଦେହାନ୍ତରେ ସାରା ଦେଶବାସୀଙ୍କୁ ମର୍ମାହିତ କରିଛି ।
