କେନ୍ଦ୍ରାପଡା (ଏଟିଆର ବ୍ୟୁରୋ); ନାଳରୁ ମିଳିଲା ଅଜଣା ଯୁବକଙ୍କ ମୃତ ଦେହ । ଯାହାକୁ ଦେଖିବା ପରେ ସ୍ଥାନୀୟ ଅଞ୍ଚଳରେ ଆଲୋଚନାର ବିଷୟ ପାଲଟିଯାଇଛି । ତେବେ ଏଭଳି ଏକ ଚର୍ଚ୍ଚିତ ଅଘଟଣ ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ମହାକାଳପଡା ବ୍ଳକ ଅଞ୍ଚଳରେ । ମିଳିଥିବା ସୂଚନା ମୁତାବକ ମହାକାଳପଡା ବ୍ଳକର ମାର୍ଶାଘାଇ ଥାନା ଅନ୍ତର୍ଗତ ଓରତ-ଅଙ୍ଗରାଇ ରାସ୍ତାର ଅଲୋଇ ପଞ୍ଚାୟତର କୁମୁରୁଣି ଅଞ୍ଚଳରେ ଯାଇଥିବା ଏକ ନାଳରୁ ଜଣେ ଅଜଣା ଯୁବକର ମୃତ ଦେହ ଭାସୁଥିବା ସକାଳୁ ଗାଁ ଲୋକ ଦେଖିବାକୁ ପାଇଥିଲେ ।
ମୃତଦେହକୁ ଦେଖିବା ପରେ ଭୟଭିତ ହୋଇଯାଇଥିଲେ ଗାଁଲୋକ । କାରଣ ମନରେ ଭୟଥିଲା କି ଏହି ମୃତକ ଜଣକ ଗାଁର କେହି ନୁହେଁ ତ ? ଆଶଙ୍କା ଭିତରେ ଏହି ଶବକୁ ଉଦ୍ଧାର କରଥିଲେ ଗାଁଲୋକ । ପରେ ଶବକୁ ଭଲସେ ଦେଖିବା ପରେ ଜାଣିଥିଲେ କି ଆଖପାଖ ଅଞ୍ଚଳର କେହି ନୁହେଁ । ଏଣୁ ଗାଁଲୋକ ପୋଲିସକୁ ଖବର ଦେବାପରେ ପୋଲିସ ଆସି ମୃତଦେହକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି । ତେବେ ପୋଲିସ ସୂତ୍ରରୁ ମିଳିଥିବା ପ୍ରାଥମିକ ତଦନ୍ତ ଅନୁସାରେ ଏହା ହତ୍ୟା କରାଯାଇଛି ବୋଲି ସୂଚନା ଦିଆଯାଇଛି । ଯୁବକଙ୍କୁ କେହି ମାରି ଧରାପଡିଟିବା ଭୟରେ ଆଣି ଅଜଣା ଜାଗାରେ ପକାଇ ଚାଲିଯାଇଛନ୍ତି ବୋଲି ସ୍ଥାନୀୟ ଲୋକଙ୍କ ମଧ୍ୟରେ କଥା ଚାଲିଥିବା ଦେଖିବକାୁ ମିଳିଛି ।
