ବାଲେଶ୍ୱର ( ଏଟିଆର ବ୍ୟୁରୋ): ତିନୋଟି ପର୍ଯ୍ୟାୟ ମତ ଦାନ ସରିଥିବା ବେଳେ ଚତୁର୍ଥ ପର୍ଯ୍ୟାୟ ମତଦାନ ରହିଛି ବାକି । ଯାହାକୁ ରାଜ୍ୟର ତିନି ପ୍ରମୁଖ ରାଚନୈତିକ ଦଳ ସେମାନଙ୍କ ପ୍ରଚାରକୁ ଜୋରଦାର କରିଛନ୍ତି । ବିଜେଡି ପାଇଁ ସୁପ୍ରିମୋ ନବୀନ ପଟ୍ଟନାୟକ ଦଳର ପ୍ରଚାର ଭାର ସମ୍ବାଳିଥିବା ବେଳେ , କଂଗ୍ରେସର ପିସିସି ସଭାପତି ନରିଞ୍ଜନ ପଟ୍ଟନାୟକ କଂଗ୍ରେସର ମଙ୍ଗ ଧରିଛନ୍ତି । ସେହିଭଳି ବିଜେପି ପାଇଁ ଲଗାତର ପ୍ରଧାନମନ୍ତ୍ରୀଙ୍କ ସମେତ ବିଭିନ୍ନ ବିଭାଗର କେନ୍ଦ୍ରୀୟମନ୍ତ୍ରୀ ପ୍ରଚାର କରିବାକୁ ଓଡିଶା ଆସୁଛନ୍ତି ।
ଆଜି ଗୃହମନ୍ତ୍ରୀ ରାଜନାଥ ସିଂହ ଯାଜପୁର ଭଦ୍ରକ ଆସୁଥିବା ବେଳେ ସେପଟେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ବାଲେଶ୍ୱରରେ ନିର୍ବାଚନ ପ୍ରଚାର କରିବେ । ସେ ଜଳେଶ୍ୱର ରାଇବଣିଆ ଠାରେ ପ୍ରଚାର କରିବାର କାର୍ଯ୍ୟକ୍ରମ ରହିଛି । ଯାହାକୁ ନେଇ ଆଜି ବାଲେଶ୍ୱର ବିଜେପି କର୍ମୀ ମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଗତକାଲି ବିଜେଡି ସୁପ୍ରିମୋ ଏକ ନିର୍ବାଚନୀ ସଭାରେ ବିଜେଡିର ସପଥ ଗ୍ରହଣ ଉତ୍ସବ କୁ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ କରିଥିଲେ । ଯାହାକୁ ନେଇ ଗତକାଲି ଠାରୁ ଗଣମାଧ୍ୟମରେ ଚର୍ଚ୍ଚା ଲାଗି ରହିଛି । ତେବେ ଆଜି ଦୁଇ ଦୁଇ ଜଣ କେନ୍ଦ୍ରମନ୍ତ୍ରୀ ଓଡିଶା ଗସ୍ତରେ ଆସୁଥିବା ବେଳେ କେଉଁଭଳି ଭାବେ ସେମାନେ ବିଜେଡିକୁ ଟାର୍ଗେଟ କରିବେ ତାକୁ ସାଧାରଣ ଜନତାଙ୍କ ମଧ୍ୟରେ ତାହା ଦେଖିବାକୁ ବାକି ରହିଛି ।
