ରାୟଗଡା ( ଏଟିଆର ବ୍ୟୁରୋ) : ରାୟଗଡାରେ ଗୁଣି ଗାରେଡି ସନ୍ଦେହରେ ବଡ ଭାଇକୁ ହତ୍ୟା କରାଯିବା ପରେ ସାନ ଭାଇ ନେଇଛି ହତ୍ୟାର ପ୍ରତିଶୋଧ । ଏମିତି ଏକ ଲୋକ ଟାଙ୍କୁରା ଘଟଣା ଘଟିଛି ରାୟଗଡା ଅମ୍ବାଦଳା ଥାନା ଅନ୍ତର୍ଗତ ଶୁକ୍ଳାଭଟ୍ଟା ଗାଁରେ । ସୂୂଚନା ଅନୁସାରେ କର ନାୟକ ନାମକ ଜଣେ ଯୁବକଙ୍କୁ ଗୁଣିଗାରେଡି ସନ୍ଦେହରେ ହତ୍ୟା କରିଥିଲେ ଗ୍ରାମର ଆଉ ଜଣେ ଲୋକ । ଏକ ଠେଙ୍ଗାରେ ପିଟିପିଟି ସେ ମକରଙ୍କୁ ହତ୍ୟା କରିଥିଲେ ।
ଆଖି ଆଗରେ ବଡ ଭାଇର ଶବକୁ ଦେଖି ହଠାତ ତାତି ଯାଇଥିଲା ସାନଭାଇ ନକୂଳ ନାୟକ । ରାଗରେ ହୋଇ ଉଠିଥିଲେ ପ୍ରତିଶୋଧ ପରାୟଣ । ଭାଇର ପ୍ରତିଶୋଧ ନେବାକୁ ଯାଇ ସାନ ଭାଇ ନକୂଳ ନାୟକ ବଡ ଭାଇର ପ୍ରତିଶୋଧ ନେବାକୁ ଭାଇ ହତ୍ୟା କାରୀ କରୁଣାକୁ ଏକ ଟାଙ୍ଗିଆରେ ହାଣି ହତ୍ୟା କରିଛନ୍ତି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ଖେଳି ଯାଇଛି ।
ଏକା ଥରେ ଦୁଇ ଦୁଇ ଟା ମର୍ଡର ହୋଇଥିବାରୁ ଲୋକ ମାନେ ଭୟଭୀତ ହୋଇ ପଡିଛନ୍ତି । ଏନେଇ ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ହତ୍ୟାକରୀ ନକୂଳ ନାୟକଙ୍କୁ ଗିରଫ କରିଛି । ଅନ୍ୟପଟେ ପୁଲିସ ଦୁଇ ଜଣଙ୍କର ଶବ ଜବତ କରି ବ୍ୟବଛେଦ ପାଇଁ ପଠାଇଛି । ଏହି ଜଘନ୍ୟ ହତ୍ୟା କାଣ୍ଡ ଗୁଣିଗାରେଡି ନେଇ କରାଯାଉଥିବା ସନ୍ଦେହ କରାଯାଉଛି ।
