କଟକ (ଏଟିଆର ବ୍ୟୁରୋ); ସିଡିଏ ସେକ୍ଟର ୮ରେ ପଶିଛି ହାତୀ । ଯାହାକୁ ଦେଖିବା ପରେ ଭୟ କରିଯାଇଥିଲେ ସ୍ଥାନୀୟ ଲୋକ । ତେବେ ବନ ବିଭାଗ କର୍ମଚାରୀଙ୍କୁ ଖବର ଦେବା ପରେ ସେମାନେ ଆସି ଏହି ହାତୀକୁ ଘଉଡାଇଛନ୍ତି । ହାତୀ ଯାଇ ନିକଟରେ ଥିବା ଏକ ଝାଉଁ ବଣରେ ପଶିଥିବା କହିଛନ୍ତି ବନ ବିଭାଗ କର୍ମଚାରୀ ।
ବନ ବିଭାଗ କର୍ମଚାରୀଙ୍କ ମତାନୁଯାୟୀ ରବିବାର ସଂନ୍ଧ୍ୟାରେ ସିଡିଏ ସେକ୍ଟର ୮ ଏବଂ ୯ରେ ଗୋଟିଏ ହାତୀ ବୁଲୁଥିଲା । ଏହାକୁ ଦେଖିବା ପରେ ଡରି ଯାଇଥିଲେ ସ୍ଥାନୀୟ ବାସିନ୍ଦା । କାରଣ ହାତୀ ଦଳା ଚକଟା ଜୀବନ ଯାଉଥିବା ଘଟଣା ପ୍ରତ୍ୟେକ ଖବର ପ୍ରସାରଣ ହେଉଛି । ଏଣୁ ଏହି ଭୟରେ ବନ ବିଭାଗ କର୍ମଚାରୀଙ୍କୁ ଖବର ଦେଇଥିଲେ କଲୋନୀ ଲୋକ । ପରେ ବନ ବିଭାଗ କର୍ମଚାରୀ ମାନେ ଆସି ହାତୀକୁ ଘଉଡାଇବାରେ ସଫଳ ହୋଇଛନ୍ତି । ତେବେ ଏହି ହାତୀଟି ନଦୀ ପାର ହୋଇ ସହରକୁ ପଶି ଆସିଛି ବୋଲି ସୂଚନା ଦେଇଛି ବନବିଭାଗ ।
