ଗଞ୍ଜାମ (ଏଟିଆର ବ୍ୟୁରୋ); ମାତିଛନ୍ତି ଦୁର୍ବୃତ୍ତ । ଦନ୍ତାହତୀକୁ ଗୁଳିକରି ହତ୍ୟା କରିଛନ୍ତି । ତେବେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଦିଗପହଣ୍ଡି ଅନ୍ତର୍ଗତ ନିମଖଣ୍ଡିପେଣ୍ଠ ଗାଁରେ । ମିଳିଥିବା ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଦୁବୃର୍ତ୍ତମାନେ ଏକ ଦନ୍ତାହାତୀକୁ ମାରିଦେଇଛନ୍ତି । ତେବେ ସେମାନେ ହାତୀର ଦାନ୍ତ ନେବା ପାଇଁ ମାରିଥିବା ଜଣାପଡିଛି । ଏହି ଦୁର୍ବୃତ୍ତମାନେ ହାତୀକୁ ମାରିବା ପରେ ହାତୀର ଦାନ୍ତ ନେବା ପାଇଁ ଚେଷ୍ଟା କରିଥିଲେ । ମାତ୍ର ସକାଳ ପାଇଯାଇଥିବାରୁ ସେମାନେ ଦାନ୍ତ ଓପାଡିବା ପାଇଁ ବିଫଳ ହୋଇଥିଲେ । ଶେଷରେ ମୃତ ହାତୀକୁ ଛାଡି ଫେରାର ହୋଇଯାଇଥିଲେ ।
ଏହି ଖବର ଜାଣିବା ପରେ ବନବିଭାଗର କର୍ମଚାରୀ ଘଟଣାସ୍ଥଳରେ ପହଁଞ୍ଚିଥିଲେ । ମୃତଦେହ ଉଦ୍ଧାର କରିବା ପରେ ଶବ ବ୍ୟବଛେଦ ପାଇଁ ପଠାଯାଇଛି । ତେବେ ପୋଷ୍ଟମର୍ଟମ ରିପୋଟ ଆସିବା ପରେ ହାତୀମୃତ୍ୟୁର କାରଣ ଜଣା ପଡିବ ବୋଲି ସୂଚନା ଦେଇଛନ୍ତି ବନ ବିଭାଗ କର୍ମଚାରୀ । ମୃତ ହାତୀର ବୟସ ୫ରୁ ୬ ବର୍ଷ ହେବ ବୋଲି ଆଶା କରାଯାଇଛି ।
