ନୂଆପଡା (ଏଟିଆର ବ୍ୟୁରୋ): ଗୋଟେ କି ଦୁଇଟି ହାତୀ ନୁହେଁ ବରଂ ହାତୀ ପଲଙ୍କ ଆତଙ୍କ ନୂଆପଡା କୋମନା ବ୍ଲକ ଅଞ୍ଚଳରେ ଦେଖିବାକୁ ମିଳିଛି । ଫଳରେ ଲୋକଙ୍କ ପାଇଁ ଘରୁ ବାହାରକୁ ବାହାରିବା କାଠିକର ପାଠ ହୋଇଯାଉଛି । ହାତୀଙ୍କ ଭୟରେ କବାଟ କିଳି ଘରେ ରହୁଛନ୍ତି ଲୋକେ ।
ହାତୀ ପଲ ଗାଁରେ ପଶି ଅନେକ ଫସଲ ନଷ୍ଟ କରିଛନ୍ତି । ଏନେଇ ଗାଁ ଲୋକେ ବନବିଭାଗକୁ ଖବର ଦେବାରୁ ବନବିଭାଗ କର୍ମୀ ଆସି ହାତୀଙ୍କୁ ଘଉଡାଇବାରେ ଲାଗିପଡିଛନ୍ତି । ମାତ୍ର ଗାଁ ଛାଡି ଜଙ୍ଗଲ ମୁହାଁ ହେଉନଥିବାରୁ ବନବିଭାଗ କର୍ମୀଙ୍କୁ ନାକେଦମ ହେବାକୁ ପଡିଛି ।
