ତାଳଚେର ( ଏଟିଆର ବ୍ୟୁରୋ): ହାତୀପଲ ନେଲେ ପାଞ୍ଚ ଜୀବନ । ତାଳଚେରରେ ହାତୀ ଉପଦ୍ରବ ଦିନକୁ ଦିନ ବଢିବାରେ ଲାଗିଛି । ଏମତି ଏକ ଅଭାବନୀୟ ଘଟଣା ଘଟିଛି ତାଳଚେର ଷଣ୍ଡ ଗାଁରେ । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ହାତୀ ପଲ ଗାଁ ଭିତରକୁ ପଶି ଆସିଥିଲେ । ପରେ ଘର ପିଣ୍ଢାରେ ଶୋଇଥିବା ଗୋଟିଏ ପରିବାରର ଚାରିଜଣଙ୍କୁ ହାତୀ ପଲ କଚାଡି ମାରି ଦେଇଥିଲେ ।
ଗତକାଲି ରାତିରେ ଅସହ୍ୟ ଗରମ ଲାଗିବାରୁ ବାପାଙ୍କ ସମେତ ଦୁଇ ଝିଅ ଏବଂ ପିଉସୀ ଘର ବାହାର ବାରନ୍ଦାରେ ଶୋଇଥିଲେ । ଯାହା ଫଳରେ ସେମାନେ ହାତୀ ପଲର ଶିକାର ହୋଇ ପରିବାର ସମସ୍ତ ଚାରିଜଣ ଯାକ ମୃତ୍ୟୁ ବରଣ କରିଛନ୍ତି । ମୃତ୍ୟୁବରଣ କରିଥିବା ପରିବାର ଇଟାଭାଟି ଶ୍ରମିକ ବୋଲି ଜଣାଯାଇଛି । ସେହିପରି ହାତୀପଲ ପାଖ ସନ୍ଥପଡା ଗ୍ରାମକୁ ଯାଇ ସେଠାରେ ଜଣକୁ ମାରିଦେଇଥିଲେ ।
ସ୍ଥାନୀୟ ଲୋକଙ୍କ କହିବା ଅନୁସାରେ ମୃତ ଭ୍ରମରବର ସାମଲ ଶୌଚ ହେବାକୁ ଆସି ହାତୀ ପଲର ଶିକାର ହୋଇଥିଲେ । ଖବର ପାଇ ସ୍ଥାନୀୟ ପୁଲିସଙ୍କ ସମେତ ବନ ବିଭାଗ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛନ୍ତି ।
