ଅନୁଗୁଳ (ଏଟିଆର ବ୍ୟୁରୋ ) : ଟ୍ରେନରୁ ଖସି ପଡି ପ୍ରାଣ ହରାଇଛନ୍ତି ଅନୁଗୁଳ ଜିଲ୍ଲା ଆଠମଲ୍ଲିକର ପୂର୍ବତନ ବିଧାୟକ ରାଜକିଶୋର ପ୍ରଧାନ । ନାଲକୋ ଥାନା କଇଁଫୁଲିଆ ଷ୍ଟେସନ ନିକଟରେ ସେ ଓହ୍ଲାଇବାକୁ ଚେଷ୍ଟା କରୁଥିବା ବେଳେ ରେଳ ଧାରଣାରେ ଖସି ପଡିଥିଲେ । ଫଳରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ତାଙ୍କୁ ନିକଟସ୍ଥ ମେଡିକାଲକୁ ନିଆଯାଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।
ରବିବାର ଦିନ ୧୧ଟାରୁ ରାଜକିଶୋର ବାହାରକୁ ବୁଲାବୁଲି କରିବାକୁ ଆସି ଆଉ ଫେରି ନଥିଲେ । ଅନେକ ଖୋଜାଖୋଜି ପରେ ବି ତାଙ୍କର କୌଣସି ଖୋଜ ଖବର ମିଳିନଥିଲା । ତେବେ ଅପରାହ୍ନ ପ୍ରାୟ ସାଢ଼େ ଚାରିଟା ବେଳକୁ କଇଁଫୁଲିଆ ଷ୍ଟେସନ ନିକଟ ରେଳ ଧାରଣାରୁ ରାଜିଶୋରଙ୍କୁ ଠାବ କରାଯାଇଥିଲା । ସେ ୧୯୭୧ରୁ ୧୯୭୩ ପର୍ଯ୍ୟନ୍ତ ଉକ୍ରଳ କଂଗ୍ରେସ ତରଫରୁ ଆଠମଲ୍ଲିକ ବିଧାୟକ ହୋଇଥିଲେ ।
