ପଟ୍ଟାମୁଣ୍ଡାଇ (ଏଟିଆର ବ୍ୟୁରୋ): ପୁଣି ଆଉ ଏକ ଅଗ୍ନିକାଣ୍ଡ । ପଟ୍ଟାମୁଣ୍ଡାଇ ସାନଜରିଆ ଗାଁରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୮ ବଖରା ଘର ଜଳି ପୋଡି ଛାର୍ ଖାର୍ ହୋଇଯାଇଛି ।
ଗତକାଲି ବିଳମ୍ବିତ ରାତିରେ ଗାଁର ଜଣଙ୍କ ଘରେ ଅଚାନକ୍ ନିଆଁ ଲାଗିଯାଇଥିଲା । ନିଆଁ ଧୀରେ ଧୀରେ ଚାରିଆଡେ ବ୍ୟାପି ଯାଇଥିଲା । ଘଟଣାରେ ଦମକଳବାହିନୀ ପହଁଚି ନିଆଁକୁ ଆୟତ୍ତ କରିଥିଲେ । ମାତ୍ର ଏହି ଅଗ୍ନିକାଣ୍ଡରେ ୮ ବଖରା ଘର ଜଳିଯିବା ସହ ଲକ୍ଷାଧିକ ଟଙ୍କାର ଧନ ସମ୍ପତ୍ତି ଜଳି ପୋଡି ପାଉଁଶ ହୋଇଯାଇଛି । ନିଆଁ ଲାଗିବାର କାରଣ ସ୍ପଷ୍ଟ ହୋଇନଥିଲେ ମଧ୍ୟ ସର୍ଟସର୍କିଟ ଯୋଗୁଁ ହୋଇଥାଇପାରେ ବୋଲି ଅନୁମାନ କରାଯାଉଛି ।
