ପୁରୀ (ଏଟିଆର ବ୍ୟୁରୋ): ମହାପ୍ରଭୁ ଶ୍ରୀଜଗନ୍ନାଥଙ୍କ ମନ୍ଦିରରେ ଆଜି ସନ୍ଧ୍ୟାରେ ଏକ ଅଶୁଭ ସଂକେତ ଦେଖା ଦେଇଛି । ଶ୍ରୀମନ୍ଦିରର ଅଁଳା ଭେଢାରେ ନୀଳ ଚକ୍ର ସହ ସଲଗ୍ନ ଥିବା ମହାପ୍ରଭୁଙ୍କ ବାନାରେ ନିଆଁ ଲାଗି ଯାଇଛି ।
ମହାଦୀପ ଦର୍ଶନ ସମୟରେ ଏହି ଅଘଟଣ ଘଟିଛି । ଏହି ନିଆଁ ନୀଳଚକ୍ର ତଳେ ଲାଗିଥିବା ମାନସିକ ବାନାରେ ଲାଗିଥିବା ଜାଣିବାକୁ ମିଳିଛି । ଗୁରୁବାର ଦିନ ଏଭଳି ଏକ ଅଘଟଣ ଘଟିଥିବାରୁ ଭକ୍ତ ଓ ସେବକ ବିଚଳିତ ହୋଇପଡିଥିଲେ । ଏହାସହିତ ସବୁଠାରୁ ବଡ କଥା ଆଜି ପାପମୋଚନ ଏକାଦଶୀ ଅବସରରେ ଶ୍ରୀମନ୍ଦିରରେ ଏଭଳି ଏକ ଅଭାବନୀୟ ଘଟଣା ଘଟିଛି ।
