ବାଲେଶ୍ୱର ( ଏଟିଆର ବ୍ୟୁରୋ): ଜଳିଗଲା ବିବାଦୀୟ ଅଙ୍ଗନବାଡି କେନ୍ଦ୍ର । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଧୋବଶିଳା ପଂଚାୟତର୧୧ ନମ୍ବର ୱାର୍ଡରେ ଥିବା ଅଙ୍ଗନବାଡ଼ି କେନ୍ଦ୍ରରେ । ଅଙ୍ଗନବାଡିର ସମସ୍ତ କାଗଜ ପତ୍ର ଜଳି ପାଉଁଶ । ଗ୍ରାମରେ ଅସନ୍ତୋଷ ।
ସୂଚନା ଅନୁସାରେ ଉକ୍ତ ଅଙ୍ଗନବାଡି କେନ୍ଦ୍ରକୁ ନେଇ ଦୀର୍ଘ ଦିନ ହୋଲା ଗ୍ରାମବାସୀ ଓ ଅଙ୍ଗନବାଡି କର୍ମୀଙ୍କ ମଧ୍ୟରେ ମତାନ୍ତର ହୋଇ ତାଲା ପଡି ରହିଥିଲା । ମାତ୍ର ଗତକାଲି ସକାଳେ ଏହି ଅଙ୍ଗନବାଡି କେନ୍ଦ୍ର ଜଳୁଥିବାର ସ୍ଥାନୀୟ ଲୋକେ ଦେଖିଥିଲେ । ଏନେଇ ସେମାନେ ଅଗ୍ନୀଶମ ବାହିନୀକୁ ଖବର ଦେଇଥିଲେ । ଅଗ୍ନୀଶମ ବାହିନୀ ଆସି ନିଆଁକୁ ଆୟତ୍ତ କରିଥିଲେ । ମାତ୍ର ସେତେବେଳକୁ ଅଙ୍ଗନବାଡିରେ ଥିବା ସମସ୍ତ କାଗଜ ପତ୍ର ପୋଡି ଜଳି ପାଉଁଶ ହୋଇ ଯାଇଥିଲା ।
