ବାଙ୍କି ( ଏଟିଆର ବ୍ୟୁରୋ): ବିଳମ୍ବିତ ରାତିରେ ଫୁଟିଲା ଗୁଳି । ବାଇକରେ ଆସି ଗୁଳିଫୁଟାଇ ଚାଲିଗଲେ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଙ୍କି ବୈଦେଶ୍ୱର ଥାନା ମଧୁଆ ପଲ୍ଲୀ ରାସ୍ତାରେ । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ଉକ୍ତ ସ୍ଥାନରେ କିଛି ଯୁବକ ଆସି ଆତଙ୍କ ଖେଳାଇଥିଲେ । ଏବଂ ଜଣେ ଯୁବକକୁ ଗୁଳି କରି ଫେରାର ହୋଇଯାଇଛନ୍ତି । ମୃତ ଯୁବକର ନାମ ଅର୍ଜୁନ ବଳିଆର ସିଂ ବୋଲି ଜଣାପଡିଛି ।
ପ୍ରଥମେ ଆହତ ଅବସ୍ଥାରେ ଅର୍ଜୁନଙ୍କୁ କଳା ପଥର ମେଡିକାଲରେ ଭତ୍ତି କରାଯାଇଥିଲା । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଖୋର୍ଦ୍ଧା ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୂର୍ବଶତୃତାରୁ ଏହି ଗୁଳିକାଣ୍ଡ ହୋଇଥିବା ସନ୍ଦେହ ହେଉଥିଲେ ମଧ୍ୟ ଅପରାଧୀ ମାନେ ଧରା ପଡି ନାହାନ୍ତି । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
