ଭୁବନେଶ୍ୱର ( ଏଟିଆର ବ୍ୟୁରୋ): ବହୁ ପ୍ରତିକ୍ଷିତ ପ୍ରଥମ ଓଡିଆ ଡ୍ୟାନ୍ସ ଫ୍ଲିମ କ୍ରିଷ୍ଣା ପରଦାକୁ ଆସିଲା । ଓଡିଶାର ଘରେ ଘରେ ପରିଚିତ ପ୍ରିନ୍ସ ଡ୍ୟାନ୍ସ ଗୃପର ମୁଖ୍ୟ କ୍ରିଷ୍ଣା ମୋହନ ରେଡ୍ଡିଙ୍କ ଜୀବନ କାହାଣୀକୁ ନେଇ ନିର୍ମିତ ଏହି ଚଳଚ୍ଚିତ୍ରଟି ପ୍ରଥମ ଓଡିଆ ଡ୍ୟାନ୍ସ ଫ୍ଲିମ । ଏହା ପୂର୍ବରୁ ଏଯାବତ କୌଣସି ଡ୍ୟାନ୍ସରଙ୍କ ଜୀବନ କାହାଣୀକୁ ନେଇ ଫିଲ୍ମ ନିର୍ମାଣ ହୋଇନାହିଁ । ଚଳଚିତ୍ରଟିରେ ପ୍ରଥମ କରି ଓଲିଉଡରେ ଏଣ୍ଟ୍ରି ମାରିଥିବା କ୍ରିଷ୍ଣା ନିଜେ ଏହି ଚଳଚ୍ଚିତ୍ରଟି ନିର୍ମାଣ କରିବା ସହିତ ନିଜେ ନିର୍ଦେଶନାର ଭାର ତୁଲାଇଛନ୍ତି ।
ଏକ ସତ କାହାଣୀକୁ ନେଇ ନିର୍ମିତ ଏହି ଚଳଚିତ୍ରରେ ଦେଖିବାକୁ ମିଳିଛି କିଭଳି ଗୋଟେ ଗରିବ ବସ୍ତି ପଲା ନିଜ ଅଧବସାୟ ଓ ଆଗକୁ ଜିବାର ଜିଦ ରଖି ଶ୍ରମିକ କାମ କରୁଥିବା ପିଲା ମାନଙ୍କୁ ନାଚ ଶିଖାଇ ଜାତୀୟ ସ୍ତରରେ ସେମାନଙ୍କୁ ଏକ ନୂଆ ପରିଚୟ ଦେଇପାରିଛି ତାହା ଏଥିରେ ଦେଖିବାକୁ ମିଳିଛି । ପୂର୍ବରୁ ଚଳଚିତ୍ରର ଟାଇଟଲ ରିଲିଜ ହୋଇ ସାରିଥିଲା ଯାହା ସୋସିଆଲ ମିଡିଆରେ ବେଶ ଲୋକପ୍ରିୟତା ସାଉଣ୍ଟିଛି । ଏଥିରେ କ୍ରିଷ୍ଣାଙ୍କ ନାୟିକା ସାଜିଛନ୍ତି ଚୁଲୁବୁଲି ସୂର୍ଯ୍ୟମୟୀ । ଫିଲ୍ମଟି ଓଡିଶାର ୪୦ ଟି ପ୍ରେକ୍ଷାଳୟରେ ମୁକ୍ତଲାଭ କରିଛି । ଚଳଚ୍ଚିତ୍ରଟି ଓଡିଆ ଭାଷା ସମେତ ତେଲୁଗୁ ଭାଷାରେ ମଧ୍ୟ ରିଲିଜ ହୋଇଛି । ଫିଲ୍ମରେ କ୍ରିଷ୍ଣା ଓ ସୂର୍ଯ୍ୟମୟୀଙ୍କ ଅଭିନୟକୁ ମଧ୍ୟ ଦର୍ଶକ ବେଶ ପସନ୍ଦ କରୁଥିବା ନଜର ଆସିଛି ।
